რა იწვევს სტრესს სამსახურში
სტრესი სამსახურში XXI საუკუნის ნამდვილი ეპიდემიაა.
საოფისე ტიპის სამსახურების თანამშრომელთა მესამედზე მეტი პერმანენტულ სტრესს განიცდის. ეს კატასტროფაა - აცხადებენ ფსიქოლოგები, რადგან იკარგება სამუშაო საათები და რაც მთავარია, სერიოზული პრობლემა ექმნება ადამიანთა ჯანმრთელობას, ადამიანებს ეცვლებათ ხასიათი და საზოგადოდ, ფსიქიკა!
რა იწვევს ძირითადად სტრესს სამსახურში:
• ბევრი სამუშაო (ადამიანი მუდმივად შფოთვაშია, დრო არ ჰყოფნის ყველაფრის შესასრულებლად);
• იოლი სამუშაო, რომელიც არც საინტერესოა და არც მასულდგმულებელი (ამ დროს იწყება მოწყენილობა, რომელიც სტრესს აძლევს დასაბამს);
• თანამშრომელთა მხრიდან ზეწოლა და სოციალური თანადგომის არარსებობა (კოლეგები არ ეხმარებიან ან კიდევ თავიანთი ამოცანების გადაწყვეტით არიან დაკავებულნი);
• ბევრი კრიტიკა და ნაკლები შექება (ცუდი ხელმძღვანელები ხომ მუდმივ კრიტიკას იყენებენ თანამშრომელთა მოტივაციისთვის);
• მეტისმეტად მომთხოვნი ან კიდევ მაღალკონკურენტული სამუშაო გარემო (ამის კარგი მაგალითია გაყიდვების სამსახურები);
• სამუშაოსთან დაკავშირებულ გადაწყვეტილებებზე საკმარისი კონტროლის არარსებობა (როდესაც ადამიანები სამსახურში ცდილობენ მხოლოდ სტრესის მსხვერპლის სრულ კონტროლს);
• მაღალი ლტოლვა სრულყოფილებისკენ (როდესაც ადამიანი ცდილობს ყოველივე უმაღლეს დონეზე შეასრულოს, ეს ძლიერ ნერვულ გადაძაბვას იწვევს);
• მცირე ანაზღაურება (როდესაც ადამიანი ვერ იღებს თავისი შრომის საფასურს, ამაოდ იხარჯება, გული "უტყდება" და სტრესი ეწყება!)
სიახლეები
- ჭიათურაში უწყლოდ მოშიმშილე ორივე მაღაროელი კლინიკაში გადაიყვანეს
- უცხოური ვალუტის ოფიციალური კურსი
- უცხოური ვალუტის ოფიციალური კურსი
- “ძალიან იმედგაცრუებული ვარ პუტინთან საუბრით – არ მგონია, რომ ის შეჩერებას აპირებდეს და ეს ძალიან ცუდია” - დონალდ ტრამპი
- წვიმა, ელჭექი, ქარის გაძლიერება, სეტყვა – როგორი ამინდია მოსალოდნელი საქართველოში