საქართველოს განათლების, მეცნიერების, კულტურისა და სპორტის სამინისტროს მხარდაჭერით, 2018 წლის 10 ნოემბრიდან, 2019 წლის 10 მარტამდე, გერმანიაში, ქალაქ დიუსელდორფის ხელოვნების მუზეუმში ნიკო ფიროსმანაშვილის 5 სურათი გამოიფინება. მხატვრის ნამუშევრები დიუსელდორფის მუზეუმში წარმოდგენილი იქნება მოდერნიზმის გამოფენის ფარგლებში, რომლის სახელწოდებაა „Museum global -Microhistories of an Ex-centric Modernism“.
არცთუ ისე დიდი ხანია, რაც გურჯაანის რაიონში, ზიარ-ფხოველის არქეოლოგიური გათხრებისას, სოფელ ზიარში ძველი ქვის ხანის პერიოდის (ქვ. პალეოლითის) პირველყოფილი ადამიანის ე.წ. ღია ტიპის სადგომი-სახელოსნო აღმოაჩინეს.
,,დიასახლისი არ არის უფასო მუშახელი, შეაფასე და დააფასე ჩემი შრომა“; ,,გავათანაბროთ ქალების და კაცების ხელფასები’’ - ამ და სხვა ლოზუნგებით ქუთაისში, მონპლაზირის თაღთან, პერფორმანსი გაიმართა. ღონისძიება გაეროს განვითარების პროგრამისა (UNDP) და შვედეთის მთავრობის ხელშეწყობით, "გენდერული თანასწორობისათვის" გაეროს ერთობლივი პროგრამის ფარგლებში მოეწყო. კამპანიის ,,თანსწორობა გვჭირდება’’-ს მიზანია ქალების ეკონომიკური გაძლიერების ხელშემშლელი ბარიერებისა და არსებული გამოწვევების შესახებ, დისკუსიების გენერირება და ამ საკითხზე საზოგადოების ცნობიერების ამაღლება.
გერმანიიდან სპეციალურად მოწვეული ექსპერტები ტყიბულის შახტში მუშაობას და მდგომარეობის შესწავლას აგრძელებენ. დოკუმენტაციის გაცნობის შემდეგ ისინი დღეს შახტში ჩავლენ და იმ ადგილს დაათვალიერებენ, სადაც უბედური შემთხვევა მოხდა.
ნიუ-იორკში ქართველი მხატვრის, რია კაჭარავას გამოფენა “ნათება” გაიხსნა. ეს ახალგაზრდა არტისტის პირველი პერსონალური ექსპოზიციაა, რომელიც 14 ნამუშევარს აერთიანებს. სერიის თემა რიტუალური ნიღბებია.
ქალაქ ქუთაისის მუნიციპალიტეტი ახალი პროექტის განხორციელებას იწყებს. ქალაქში მწვანე ნარჩენების საკომპოსტე მოედანი მოეწყობა.
