სალათი "ცეზარი" - ნებისმიერი სუფრის მშვენება
სალათი "ცეზარი" წარმოშობით ფრანგულია. მისი მომზადების უამრავი განსხვავებული წესი არსებობს. ჩვენ შევეცდებით, შედარებით მარტივი და გემრიელი ვარიანტის რეცეპტი შემოგთავაზოთ:
დაგჭირდებათ:
100-200 გრამი პური ან უკვე მომზადებული "სუხარი"
2-3 სუფრის კოვზი ზეითუნის ზეთი
2-3 კონა სალათის ფურცელი
1-2 ცალი ლიმონის წვენი
100 გრამი ყველი პარმეზანი (ან რბილი სულგუნი)
4 ცალი ქათმის ფილე
ცოტა მაიონეზი
3-4 ცალი პომიდორი (უმჯობესია პომიდორი "ჩერი")
2-3 კბილი ნიორი
მარილი და წიწაკა გემოვნებით
მომზადება:
თუ მარტივად გინდათ მოამზადოთ, უკვე მომზადებული გახუხული პური იყიდეთ (ე.წ. სუხარი) და ის დაჭერით. თუ არა და, კუბებად დაჭერით პური. წინასწარ საცხობ ლანგარზე ან ტაფაზე მოასხით ზეითუნის ზეთი, დაუმატეთ დაჭყლეტილი ნიორი და შემდეგ მასზე მოათავსეთ პურები. ან ტაფაზე გახუხეთ ცოტა ხანს ან ღუმელში გამოაცხვეთ 180 გრადუსზე 10-15 წუთით. თან ანჯღრიეთ, რომ თანაბრად მოედოს ზეთისა და ნივრის არომატი.
ქათმის ფილე შეგიძლიათ მოხარშოთ და მერე ოდნავ დაბრაწოთ, ან შეკაზმოთ მარილით და წიწაკით - დააბასტურმოთ და შემდეგ შეწვათ ტაფაზე.
სასალათეში მოათავსეთ დაფლეთილი სალათის ფურცლები, დაუმატეთ გაციებული გახუხული პურები, გაციებული და გრძლად დაჭრილი ქათმის ფილე. დაუმატეთ ოთხად დაჭრილი პომიდორი, ამ თუ "ჩერი" გაქვთ, ის პირდაპირ შუაზე გაჭერით და ისე მოაყარეთ. ზოგიერთი მოხარშულ კვერცხსაც უმატებს, ეს თქვენი გემოვნებით დაამატეთ. ასევე მოახეხეთ ყველი პარმეზანი (ან სულგუნი).
შემდეგ მოამზადეთ სოუსი. შეგიძლიათ ცოტა მაიონეზს, დაახლოებით 80-100 გრამს, დაუმატოთ ლიმონის წვენი, დაჭყლეტილი ნიორი და ცოტა გახეხილი ყველი და ერთად დააბლენდეროთ. შემდეგ ეს სოუსი მოასხათ სალათს.
ან მაიონეზის გარეშე, სულ თვითონ მოამზადოთ სოუსი მდოგვით, ლიმონის წვენით, გახეხილი ყველით, ორი ცალი ათქვეფილი კვერცხით და ნივრით, რომლებსაც ერთად დააბლენდერებთ. შეგიძლიათ, ცოტა აჯიკა ან სვანური მარილიც დაამატოთ.
ნებისმიერ შემთხვევაში გემრიელი გამოვა.
შეგიძლიათ, სოუსი ცალკე მოათავსოთ თასში და გვერდით დაუდგათ სალათს, ან სუფრაზე მიტანის წინ მოასხათ.
სიახლეები
- შსს-ს ინფორმაციით, რუსთაველის გამზირზე მიმდინარე საპროტესტო აქციაზე ადმინისტრაციული წესით 16 პირია დაკავებული
- “საგამოძიებო კომისიამ დაადგინა, რომ 2004 წლიდანვე „ნაციონალურმა მოძრაობამ“ ცხინვალის რეგიონსა და კოდორის ხეობასთან მიმართებით საქართველოს ტერიტორიული მთლიანობისა და სამშვიდობო პროცესისთვის საზიანო ნაბიჯები გადადგეს” - თეა წულუკიანი
- “საგამოძიებო კომისიამ დაადგინა, რომ 2004-12 წლებში, “ნაციონალური მოძრაობის” მიერ დაკავებულ პირთა მიმართ წამება და არაადამიანური მოპყრობა, იყო სისტემატური და სისტემური” - თეა წულუკიანი
- “საგამოძიებო კომისიამ დაადგინა, რომ პატიმართა მიმართ წამებისა და არაადამიანური მოპყრობის სხვადასხვა, სასტიკი მეთოდების გამოყენებას ჰქონდა თითქმის ყოველდღიური ხასიათი” - თეა წულუკიანი
- საყოველთაო ნათლობის 72-ე ეტაპისთვის მსურველთა რეგისტრაცია იწყება
