„ტირამისუ“ - ნამცხვარი განსაკუთრებული დღეებისთვის
ნამცხვარი, რომლის რეცეპტსაც დღეს შემოგთავაზებთ, მასში შემავალი ინგრედიენტების გამო, საქართველოში ერთ-ერთ ყველაზე ძვირად ღირებულ დესერტად მიიჩნევა, თუმცა განსაკუთრებულ დღეებში შეიძლება, თავს მისი დაგემოვნების უფლება მივცეთ.
„ტირამისუს“ მოსამზადებლად საჭიროა „სავოიარდის“ ან, უბრალოდ, „ტირამისუს“ ჩხირები, რომელიც ყველა სუპერმარკეტში იყიდება, დასანამი სიროფი და ჰაეროვანი კრემი.
დასანამი სიროფის შემადგენლობა:
„ბაკარდი, ანუ რომი - 100 გრ
„ამარეტო“, ანუ ნუშის ლიქიორი - 70 გრ
ორმაგი ყავა „ესპრესო“ - ერთი ჭიქა
ყავა თქვენი გემოვნებით დაატკბეთ, რომი და ლიქიორი შეურიეთ და კარგად მოურიეთ.
კრემის შემადგენლობა:
კვერცხის გული - 3 კვერცხის
შაქარი - 2 სუფრის კოვზი
შაქრის პუდრა - 4 სუფრის კოვზი
„მასკაპონე“ (მდნარი ყველის სახეობა, რომელიც სუპერმარკეტებში იყიდება) - 1/2 კგ.
ნაღები „პრეზიდენტი“ - 1 ლ.
კვერცხის გულები და შაქარი მიქსერით კარგად ათქვიფეთ.
შემდეგ მიქსერი ამოიღეთ და ხის კოვზით „მასკაპონე“ შეურიეთ, ისე, რომ კვერცხის მასა და მდნარი ყველი ერთმანეთში „ჩაჯდეს“.
ცალკე ათქვიფეთ ერთი ლიტრი ნაღები „პრეზიდენტი“ და კარგად რომ აფუმფულდება, ისევ ხის კოვზით, შეურიეთ ყველიანი და კვერცხიანი მასა.
ბოლოს დაუმატეთ შაქრის პუდრა და კიდევ კარგად მოურიეთ.
შეიძლება კრემი ოდნავ თხელი გამოგივიდეთ, მაგრამ ნუ შეშინდებით. ნამცხვრიდან კრემის გადმოსვლა რომ აიცილოთ, ჩხირების ჩასაწყობად ოდნავ ღრმა ფორმა შეარჩიეთ.
„ტირამისუს“ აწყობა:
ჩხირები უკვე გამზადებულ სეროფში კარგად დანამეთ და ერთ ფენად დაალაგეთ.
წაუსვით კრემი და ისევ დანამული ჩხირები მოაწყვეთ.
შემდეგ ისევ კრემი და ასე გააგრძელეთ ბოლომდე, სანამ ჩხირებიც და კრემიც არ გამოგელევათ.
მზა ნამცხვარს თავზე კაკაო მოაფრქვიეთ.
გაითვალისწინეთ, რომ ჩხირებს სიროფი და კრემი რომ გაუჯდეს, საკმაო დრო სჭირდება, ამიტომ სასურველია, ნამცხვარი ერთი ღამით მაცივარში შეინახოთ და მეორე დღეს მიირთვათ.
შენიშვნა:
სუპერმარკეტში „სავოიარდის“ ან „ტირამისუს“ ჩხირების ფასი, დაახლოებით, 11 ლარამდეა.
ჩხირების 1 შეკვრიდან გამოდის ნამცხვარი 12 პერსონაზე.
1 ლიტრი ნაღები „პრეზიდენტის“ ფასი კი 14 ლარამდეა.
ნახევარი კოლოგრამი „მასკარპონე“, დაახლოებით, 20 ლარამდე ღირს.
„ბაკარდისა“ და „ამარეტოსაც“ თუ გავითვალისწინებთ, 12 პერსონისთვის განკუთვნილი „ტირამისუ“ დაახლოებით 80 ლარი დაგიჯდებათ...
თუმცა ალექსანდრე კოშკელოვის თქმით, შესაძლოა, ფასის ეკონომიის მიზნით, ძვირად ღირებული „ბაკარდის“ ნაცვლად, კონიაკი ან მარტინი გამოიყენოთ, მაგრამ არ დაივიწყოთ, რომ ყავა „ესპრესო“ „ტირამისუს“ აუცილებელი კომპონენტია.
გემრიელად მიირთვით!
funtime.ge
სიახლეები
- ,,სალომე ზურაბიშვილს თავი ფარაონი ჰგონია"- გურამ მაჭარაშვილი
- ,,ვისაც უნდა ჩამოვიდეს მისიით თუ ჯგუფით, ერთ რამეს ვურჩევდი მათ, ხალხს მოუსმინონ"- შალვა პაპუაშვილი
- ,,შევდივარ ოპოზიციის მდგომარეობაში, რთულია ყოველდღე აქციები ატარო, თან როცა ქუჩის ქარიზმატული ლიდერები არ გვყავს"- გია ხუხაშვილი
- ,,იდიოტიზმს, რომელიც ახლა აქვთ მოწყობილი, იმ უიდეობას, რომელიც ახლა თბილისის ქუჩებში ხდება, სჯობს, დროზე შევიდნენ პარლამენტში"- იაგო ხვიჩია
- ძლიერ ქარიშხალს ორი ადამიანი ემსხვერპლა ვაშინგტონში
