1. ტორტის ბისკვიტის მომზადების პირველ ეტაპზე აუცილებლად მოიმარაგეთ ყველა საჭირო მასალა ისე, რომ მიქსერით მუშაობისას ცალი ხელით შეძლოთ პროდუქტების ჩამატება. 9 კვერცხის ცილა მოათავსეთ თასში, სადაც შემდგომ შაქართან ერთად ათქვიფავთ. კვერცხის გული მოაგროვეთ დამხმარე ჭურჭელში, აუცილებლად დაგჭირდებათ. ბისკვიტის ამოყვანა არც ისეთი მარტივია როგორც ერთი შეხევდვით ჩანს და მას განსაკუთრებული სიფრთხილე სჭირდება. მიქსერით ათქვიფეთ კვერცხის ცილა ერთგვაროვანი მასის მიღებამდე. რაც უფრო მეტად ამოიყვანთ ცილას, მით უფრო დიდი შანსია რომ ჰაეროვანი ბისკვიტი გამოგივათ. ცილის ამოყვანის შემდეგ, ეტაპობრივად ჩაამატეთ შაქარი. გაითვალისწინეთ, რომ ფქვილის ჩაყრამდე მიქსერი არ უნდა გამორთოთ და მაქსიმალურად ერთ სიჩქარეზე ამუშაოთ. მას შემდეგ, რაც ბისკვიტისთვის განკუთვნილი შაქარი ამოგეწურებათ, ეტაპობრივად შეათქვიფეთ შენახული კვერცხის გული. ამის შემდეგ გამორთეთ მიქსერი და მიღებულ მასას ასევე ეტაპობრივად ჩაამატეთ ფქვილი. ფქვილის შესაზელად მე ხის ჯოხს ვიყენებ და ერთი სიჩქარით ნაზად ვურევ სანამ ფქვილი მთლიანად არ შეერევა მასას. შემდეგ ეტაპზე გაზზე მოათავსეთ სითბოს გამანაწილებელი და ტორტის საცხობი ფორმა. გაითვალისწინეთ, რომ ტორტის ფორმას ძირზე და გვერდებზე უნდა წაუსვათ მარგარინი რათა არ მიიკროს. ახლა უკვე შეგიძლიათ ბისკვიტის მასა მოათთავსოთ გამოსაცხობ ფრმაში. დაბალ გაზზე შემომდგარ ფორმას აუცილებლად დააფარეთ თავსახური, რომელსაც შეფუთავთ სველი ტილოთი. რდესაც ტილო გაშრება ადვილად მიხვდებით, რომ ბისკვიტი გამომცხვარია :) გაზზე ბისკვიტის ცხობას დაახლოებით 40–45 წუთი სჭირდება. ამ დროის გასვლის შემდეგ შეგიძლიათ ახადოთ ფორმას და წვრილი ჩხირით მოსინჯოთ ბისკვიტი შუაში კარგად არის თუ არა გამომშრალი (მე ამისთვის ასანთის ღერს ვიყენებ ხოლმე). გამომცხვარი ბისკვიტი ფრთხილად გადმოიღეთ განიერ ჭურჭელზე და დაელოდეთ მის გაციებას.

2. იმ დროს, როდესაც ბისკვიტი ცხვება შეგიძლიათ დროის მოსაგებად დაიწყოთ კრემის მომზადება. ამისთვის ათქვიფეთ 1 კვერცხი და 1 ჩ.ჭ. შაქარი (ეს მასა ბავშვბის გოგლიმოგლს მოგაგნებთ:) ). ამის შემდეგ ეტაპობრივად ჩაამატეთ ფქვილი. მიღებულ მასას დაუმატეთ რძე, კარგად მოურიეთ და დადგით გაზზე. კრემი უნდა ავადუღოთ დაბალ ცეცხლზე და პარალელურად ვურიოთ. ახლა გემოს გასამძაფრებლად შეგიძლიათ ჩაამატოთ ვანილი. გაითვალისწინეთ, რომ დუღილის დაწყებისას კრემი შესქელდება და განუწყვეტელი მორევა ერთგვაროვანი მასის მიღებას უწყობს ხელს. თუ ამ პროცესს შეწყვიტავთ კრემი არ გამოვა ისეთი, როგორიც საჭიროა. კრემი ადუღებიდან 6–8 წუთში გადმოდგით და გაიტანეთ გასაციებლად. მას შემდეგ რაც კრემი გაცივდება, ის ეტაპობრივად უნდა შეურიოთ ცალკე თასში ათქვეფილ მარგარინს. ამ პროცესის დასრულების შემდეგ გემრიელი კრემი მზად იქნება.

3. ტორტის მომზადების ბოლო, ყველაზე სახალისო ეტაპზე დაგჭირდებათ მარწყვი ბანანი და ძლიერი ჩაის სიროფი. ჩაის ჭიქაში მოამზადეთ ჩაის ნაყენი 4 კოვზ შაქართან ერთად. ეს სითხე ბისკვიტის დასანამად დაგვჭირდება. თუმცა მანამდე, 9 კვერცხიანი ბისკვიტი ზუსტად შუაზე უნდა გავჭრათ. დიახ, ეს არც ისეთი ადვილი საქმეა და ამაში არც მეტი არც ნაკლები – ძაფი დაგეხმარებათ :) როცა უკვე ბისკვიტის 2 ნაწილი გვაქვს, შეგვიძლია მათი მორთვა დავიწყოთ. პირველ რიგში ვნამავთ ტორტის ქვედა ნაწილს. ფრთხილად მოასხით ჩაის ნაყენი ბისკვიტის კიდეებთან და შუაში. ბევრი სითხე არ უნდა დაასხათ თორემ ტორტი დაიშლება. შემდეგ ბისკვიტის ამ ნაწილზე დაალაგეთ თხლად დაჭრილი ბანანი ისე, რომ მთლიანად დაიფაროს. შემდეგ წაუსვით კრემი და ასევე მთელ ნაწილზე დაალაგეთ მარწყვი. ამის შემდეგ კიდევ წაუსვით კრემი და ზემოდან ბისკვიტის მეორე ნაწილი დაადეთ. თორტის ზედა ფენა უნდა დანამოთ იგივე პრონციპით. შემდეგ შეგიძლიათ ჩართოთ თქვენი ფანტაზია და კრემითა და ხილით მორთოთ ტორტი ისე, როგორც საჭიროდ ჩათვლთ.