საოცარი შოკოლადის ტორტი ბლინითა და არაჟნის კრემით ცხობის გარეშე
ინგრედიენტები
- არაჟანი - 700 გ
- წყალი - 100 მლ
- ჟელატინი - 15 გ
- შაქრის ფხვნილი - 120 გ
- სასურველი ხილი (ატამი, მარწყვი, კივი, გარგარი, კენკრა...)
- რძე - 300 მლ
- წყალი - 200 მლ
- კაკაო - 20 გ
- კვერცხი - 2 ც
- შაქარი - 2 სკ
- ფქვილი - 180 გ
- მარილი - 1/3 ჩკ
- ზეთი - 2 სკ
დაიწყეთ ბლინების მომზადებით. კვერცხი, შაქარი, მარილი და ვანილი ათქვიფეთ. დაუმატეთ რძე და წყალი. შემდეგ - კაკაო და კვლავ ათქვიფეთ. შეათქვიფეთ ფქვილიც. ბოლოს კი ზეთი დაუმატეთ.
გამოაცხვეთ ბლინები ცხიმწასმულ ტაფაზე ორივე მხრიდან.
სასურველი ხილი დაჭერით.
ჟელატინი წყალში დაალბეთ. არაჟანს დაუმატეთ შაქრის ფხვნილი. შემდეგ დაუმატეთ გამდნარი ჟელატინიც და ამოურიეთ.
ჭიქაში ჩააფინეთ ბლინი, მოათავსეთ 2-3 სკ კრემი და ხილი. ეს იქნება ბლინის „ტომრები“.
ტორტის ფორმაში ჩააფინეთ სამზარეულოს ცელოფანი. შიგნით მოათავსეთ ერთი ბლინი. მოათავსეთ იმ რაოდენობის კრემი, რომ ზედაპირი დაიფაროს. მასში ჩააწყვეთ ბლინის „ტომრები“. თავზე კიდევ მოასხით კრემი, მოაყარეთ ხილი, კვლავ ხილი მოასხით და ბოლოს ბლინი მოათავსეთ. სამზარეულოს ცელოფნით თავიც დაუფარეთ ტორტს და შედგით მაცივარში 4 საათით ან მთელი ღამით.
უგემრიელესი შოკოლადის ტორტი მზად არის, გემრიელად მიირთვით!
სიახლეები
- ,,სალომე ზურაბიშვილს თავი ფარაონი ჰგონია"- გურამ მაჭარაშვილი
- ,,ვისაც უნდა ჩამოვიდეს მისიით თუ ჯგუფით, ერთ რამეს ვურჩევდი მათ, ხალხს მოუსმინონ"- შალვა პაპუაშვილი
- ,,შევდივარ ოპოზიციის მდგომარეობაში, რთულია ყოველდღე აქციები ატარო, თან როცა ქუჩის ქარიზმატული ლიდერები არ გვყავს"- გია ხუხაშვილი
- ,,იდიოტიზმს, რომელიც ახლა აქვთ მოწყობილი, იმ უიდეობას, რომელიც ახლა თბილისის ქუჩებში ხდება, სჯობს, დროზე შევიდნენ პარლამენტში"- იაგო ხვიჩია
- ძლიერ ქარიშხალს ორი ადამიანი ემსხვერპლა ვაშინგტონში
