უგემრიელესი სალათის ტორტი
დაგჭირდებათ ნამცხვრის (ტორტის) ფორმა, რომელსაც გვერდები ეხსნება.
ინგრედიენტები
- მოხარშული კარტოფილი - 4-5 ც
- მოხარშული ქათმის ფილე - 300 გ
- სოკო ( შამპინიონი) - 350 გ
- ხახვი - 1 ც
- კვერცხი - 5 ც
- ყველი (მაგარი სახეობის) - 250 გ
- მოხარშული სტაფილო - 3 ც
- მარილი და პილპილი გემოვნებით
- მაიონეზი
მომზადების წესები
სოკო და ხახვი დაჭერით კუბებად. მოთუშეთ ზეთში. დაუმატეთ მარილი და პილპილი გემოვნებით. ტორტის ფორმაში ჩაახეხეთ იმ რაოდენობის ყველი, რომ ძირი დაიფაროს. გადაასწორეთ ზედაპირზე. თავზე მოასხით ცოტა მაიონეზი და კოვზით გადაანაწილეთ.
ქათმის ფილე დააქუცმაცეთ კომბაინში (ან ხელით) და გადაანაწილეთ ყველისა და მაიონეზის ფენაზე. კვლავ თხელ ფენად წაუსვით მაიონეზი.
შემდეგ ფენად გადაანაწილეთ მოთუშული სოკო და ხახვი. შემდეგ - მოხარშული და გახეხილი კვერცხი. გახეხეთ ყველი და მოაყარეთ. კვლავ გადაუსვით მაიონეზი თხელ ფენად. ბოლოს მოაყარეთ გახეხილი სტაფილო და ფორმას გვერდები შემოაცალეთ.
ფენები მარტივად:
ყველი, მაიონეზი, ქათმის ფილე, მაიონეზი, სოკო და ხახვი, კვერცხის ცილა, კვერცხის გული, ყველი, მაიონეზი, სტაფილო
გარშემო წაუსვით მაიონეზი და გახეხილი ყველი მოაყარეთ. „ტორტის“ თავი მორთეთ მაიონეზითა და ბროწეულით.
გემრიელად მიირთვით!
სიახლეები
- “რევოლუცია არ მოხდება, კარგად გვამეცადინეს, შემოტევებს გავუძელით, არ დარჩა სახელმწიფო, რომელიც ჩვენ წინააღმდეგ არ იბრძოდა, მაგრამ მაგრად დავდექით, რადგან მართლები ვართ” - ირაკლი ზარქუა
- “საკუთარ ხალხს, რწმენას როცა დაივიწყებ, სხვა ქვეყნის ლიდერების ხელში ხდები მარიონეტი” - ირაკლი ზარქუა
- როგორი ამინდია მოსალოდნელი საქართველოში – უახლოესი დღეების ამინდის პროგნოზი
- “ყველა პირველკურსელს გილოცავთ ცხოვრების ახალი ეტაპის დაწყებას – სტუდენტობას; დარწმუნებული ვარ, სწავლისა და განვითარებისთვის ძალ-ღონეს არც მომავალში დაიშურებთ და თქვენი სახით ქვეყანას არაერთი საუკეთესო პროფესიონალი შეემატება” - პრემიერი
- “გამუდმებით ერთი სცენარია - „მე ამასთან არ დავჯდები, მე უფრო ჭკვიანი და ლამაზი ვარ“, გამოსავალი მარტივია: ინიციატივა აიღოს ხალხმა და ხალხი გავერთიანდეთ!” - ლევან ხაბეიშვილი
