უგემრიელესი ელარჯი
მასალა 4 ულუფისთვის:
200 გრ. ღერღილი
600 გრ. სულგუნი
მჭადის ფქვილი (ან მანანის ბურღული) - თვალის ზომით
საჭიროების შემთხვევაში, მარილი - გემოვნებით
მომზადების წესი:
კარგად გარეცხილ ღერღილს დაასხით იმ რაოდენობის წყალი, რომ მასა კარგად დაიფაროს.
თავიდან დაადგით ოდნავ მაღალ ცეცხლზე და სახურავი დააფარეთ.
თუკი ხარშვისას წყალი ჩაშრება, შეგიძლიათ, ცივი წყალი დაამატოთ.
როგორც კი ღომი ჩაშრობას დაიწყებს, ცეცხლს ოდნავ დაუკელით და კერძის მომზადება ნელ ცეცხლზე გააგრძელეთ. თუკი ქვაბიდან წყალი გადმოდის, თავსახური ოდნავ გადახადეთ.
ხშირად დახედეთ და ჩოგნით ურიეთ.
კარგად მოხარშვის შემდეგ ჩაყარეთ მჭადის ფქვილი, თვალის ზომით, ისე, რომ საშუალო სისქის მასა მიიღოთ.
თუკი მჭადის ფქვილი არ გაქვთ, შეგიძლიათ, მანანის ბურღული დაამატოთ - ამ შემთხვევაში ღომი უფრო ფაფუკი გამოგივათ.
კარგად აზილეთ ჩოგნით და, დაახლოებით, 10 წუთის შემდეგ დაამატეთ გრძლად დაჭრილი სულგუნი.
პერიოდულად ისევ ჩაზილეთ და ეცადეთ, ყველი გაუხსნელი არ დარჩეს.
თუკი ჩოგნით ამოწეული მასა წელვადია და არ წყდება, ესე იგი, ელარჯი მზადაა.
შენიშვნა:
ელარჯის მომზადებას, დაახლოებით, 40 წუთი დასჭირდება;
შეგიძლიათ, ელარჯი მეგრული ან სვანური სულგუნით დაამზადოთ.
თუკი ყველი უმარილოა, ღომში ყველის ჩამატების შემდეგ ოდნავ მარილი დაამატეთ.
ელარჯის თეფშზე მარტივად ამოსაგებად ჩოგანი თითოეულ ჯერზე ცივი წყლით დაასველეთ.
4 ულუფა ელარჯის მომზადება, დაახლოებით, 6 ლარი დაგიჯდებათ.
სიახლეები
- თბილისში, საბურთალოზე ორმა ახალგაზრდამ ერთმანეთი ცივი იარაღით დაჭრა
- “მადლობა რასა იუკნევიჩიანესა და ყველა ევროპარლამენტარს, რეზოლუცია უკვე მერამდენედ, ხაზგასმით მოითხოვს ჩემს გათავისუფლებასა და უცხოეთში გადაყვანას” - მიხეილ სააკაშვილი
- “ისინი ჩართულები იყვნენ რევოლუციურ სცენარში და მცდელობები ჰქონდათ, ქვეყანაში მოეწყოთ სახელმწიფო გადატრიალება” - კახა კალაძე ენჯეოებზე
- “სალომე ზურაბიშვილს გაუვიდა ყველანაირი ვადა და დადის დროშით, იძახის, პრეზიდენტი ვარო” - პაპუაშვილი
- “ჯერ გავიგოთ, აღიარებს თუ არა რადიკალური ოპოზიცია და საერთაშორისო სუბიექტები ეუთი/ოდირის შარშანდელ დასკვნას და ამის შემდეგ შეიძლება ვიმსჯელოთ ეუთო/ოდირის მოწვევასთან დაკავშირებით” - ირაკლი კობახიძე