ქართული ქვევრის ღვინო ლოს-ანჯელესში წარადგინეს
ქვევრის ღვინის მწარმოებელი ქართული კომპანიები ამერიკის შეერთებულ შტატებში, ლოს-ანჯელესში, ბუნებრივი ღვინოების საერთაშორისო გამოფენაში “RAW Wine” (The Artisan Wine Fair) მონაწილეობდენ. გამოფენის ორგანიზატორია ცნობილი ღვინის ექსპერტი იზაბელ ლეჟერონი იყო.
ღვინის ეროვნული სააგენტოს მხარდაჭერით, წელს გამოფენაში მონაწილეობდნენ: „გოცას საოჯახო მეღვინეობა“, „ტიბაანი“, „მეღვინეობა ართანა“, „ღვინის ქურდები“, „ახმეტის ღვინის სახლი“ და „ნიკალას მარანი“.
გამოფენაზე მოსულ სტუმრებს საშუალება მიეცათ დაეგემოვნებინათ ქართული ქვევრის ღვინო, გაცნობოდნენ მისი დამზადების უძველეს ტრადიციებს, ქვეყნის კულტურას და ისტორიას. აღნიშნული კომპანიები ასევე ნოემბრის დასაწყისში ქალაქ ნიუ-იორკში გამარულ ამავე ფორმატის გამოფენაზე „,RAW Wine NY“ მონაწილეობდნენ.
„RAW Wine” ლოს-ანჯელესში მეორედ იმართება და მასში მსოფლიოს სხვადასხვა ქვეყნიდან 100-ზე მეტი მწარმოებელი მონაწილეობდა. გამოფენაზე ქართული ღვინო გასულ წელსაც იყო წარმოდგენილი.
სიახლეები
- რაჟდენ კუპრაშვილმა თქვა, ვის შეიძლება შეეხოს „ქართული FARA“
- მარწყვის ტორტი
- "ბოლო ზარი ბედნიერი მომავლის რწმენასთან ასოცირდება, დარწმუნებული ვარ, ახალი თაობა კიდევ უფრო მეტი შემართებით შეხვდება ცხოვრების გზაზე არსებულ ახალ გამოწვევებს"- ირაკლი კობახიძე
- “თვალშისაცემია, რომ ბოლო პერიოდში გერმანიის ელჩი კონკრეტული გზავნილების გადმოსაცემად მხატვრულ მეთოდებს იყენებს და შერჩეული ფონის მეშვეობით გვესაუბრება” – პაპუაშვილი
- აშშ-მა ჰარვარდის უნივერსიტეტისთვის გამოყოფილი 60 მილიონი დოლარის გრანტი გააუქმა
