გამოცემის ცნობით, მოსკოვი ითხოვს, რომ უკრაინამ, უსაფრთხოების გარანტიებისა და ევროკავშირის წევრობის პერსპექტივის სანაცვლოდ ნატოში გაწევრიანებაზე უნდა თქვას უარი. მხარეები სამხედრო მოქმედებების შეჩერებას განიხილავენ.

წყაროები ამბობენ, რომ ცეცხლის შეწყვეტის შესახებ დოკუმენტი აღარ შეიცავს რუსეთის 3 ძირითადი მოთხოვნის განხილვას - "დენაციფიკაცია", "დემილიტარიზაცია" და რუსული ენის სამართლებრივი დაცვა უკრაინაში.

განსახილველი შეთანხმების ფარგლებში, უკრაინამ თავი უნდა შეიკავოს ბირთვული იარაღის შემუშავებაზე ან მესამე ქვეყნის სამხედრო ბაზის განთავსებაზე, გარდა იმისა, რომ ნატოში წევრობაზე უარი თქვას.

სანაცვლოდ უკრაინა მიიღებდა უსაფრთხოების გარანტიებს ქვეყნებისგან მათ შორის - რუსეთი, აშშ, დიდი ბრიტანეთი, კანადა, საფრანგეთი, გერმანია, ჩინეთი, იტალია, პოლონეთი, ისრაელი და თურქეთი.

უკრაინის დელეგაციის წევრმა, დავით არახამიამ FT-ს უთხრა, რომ მხარეები ახლოს იყვნენ შეთანხმებასთან უსაფრთხოების გარანტიებზე და უკრაინის ევროკავშირში გაწევრიანებაზე.

მოლაპარაკებების შესახებ ინფორმირებულმა სხვა პირმა თქვა, რომ უკრაინა შეშფოთებულია, რომ რუსეთი თითქმის ყოველდღე ცვლის თავის პოზიციას, როგორც სამხედრო ზეწოლის, ასევე კიევის "დემილიტარიზაციის" მოთხოვნის კუთხით.