„როიტერის“ ინფორმაციით, რუსეთმა უკრაინაში მარცვლეულის რამდენიმე საცავი გაანადგურა
უკრაინაში ინტერვენციის დაწყებიდან, რუსულმა ძალებმა მარცვლეულის რამდენიმე საცავი გაანადგურეს. ამის შესახებ ინფორმაციას სააგენტო „როიტერი“ ავრცელებს.
მედიასაშუალების ცნობით, მარცვლეულის საცავებზე მიტანილი იერიშების შესახებ მეტყველებს აშშ-ის ხელისუფლების ხელთ არსებული ფოტოსურათები.
სააგენტო „როიტერთან“ საუბრისას ამერიკელი მაღალჩინოსანი აცხადებს, რომ რუსი სამხედროები დარტყმებს ახორციელებენ უკრაინის აღმოსავლეთ ნაწილში არსებულ საცავებზე. მისი მონაცემებით, ასეთი დარტყმების შედეგად დაზიანებულია მარცვლეულის სულ მცირე ექვსი საცავი.
2020-2021 წლებში უკრაინა მსოფლიოში ხორბლის სიდიდით მეოთხე ექსპორტიორი იყო.
„მარცვლეულის ამ საცავებზე რუსეთის უგუნური თავდასხმა იმის ნათელი მაგალითია, რომ პუტინის ომი პირდაპირ აზარალებს უკრაინაში მოქალაქეებს და საფრთხეს უქმნის მსოფლიოში სასურსათო უსაფრთხოებას. ვინაიდან აფრიკისა და ახლო აღმოსავლეთის ქვეყნები დამოკიდებული არიან უკრაინიდან ხორბლის ექსპორტზე, სურსათის ამ მარაგებისა და საწყობების განადგურებამ შესაძლოა, გამოიწვიოს დეფიციტი და ფასების ზრდა ისედაც მოწყვლადი ეკონომიკის ქვეყნებში“, – განაცხადა ამერიკელმა მაღალჩინოსანმა „როიტერთან“.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი