"ნატო პირდაპირ არ ჩაერთვება ომში, არ გააგზავნის ჯარებს, მაგრამ სხვადასხვა გზით მხარს დაუჭერს უკრაინას"
ნატო პირდაპირ არ ჩაერთვება ომში, არ გააგზავნის ჯარებს, მაგრამ სხვადასხვა გზით მხარს დაუჭერს უკრაინას, – ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.
მისივე თქმით, ნატო-ს ძირითადი პასუხისმგებლობა ალიანსის წევრი ქვეყნების დაცვაა.
„მნიშვნელოვანია, ხაზი გაუსვათ, რომ ნატო-ს მოკავშირეები უკრაინას უზრუნველყოფენ მხარდაჭერით. ამავდროულად, ნატო-ს ძირითადი პასუხისმგებლობა არის წევრების დაცვა და ამ კონფლიქტის ფართომასშტაბიან ომში ესკალაციის თავიდან არიდება. ამიტომ ჩვენ ფოკუსირებული ვართ ესკალაციის რისკის მართვაზე. ასევე, ვაგზავნით მკაფიო გზავნილს, რომ მზად ვართ, დავიცვათ ყველა წევრი არა კონფლიქტის გამოსაწვევად, არამედ მის ასარიდებლად.
აღნიშნულის გამო, ბოლო კვირების განმავლობაში 40 ათასი ჯარისკაცი გადავისროლეთ ალიანსის აღმოსავლეთ ფლანგზე და დავამატეთ მეტი ჯარი ეროვნული ძალებიდან. მაგალითად, აშშ-ის მეტი ძალები ევროპაში, რაც საჭიროა კონფლიქტის ესკალაციის თავიდან ასარიდებლად. ასე რომ, ჩვენ ვცდილობთ, თავიდან ავირიდოთ ესკალაცია. ნატო პირდაპირ არ ჩაერთვება ომში, ნატო არ გააგზავნის ჯარებს უკრაინაში, მაგრამ ამავდროულად, მხარს დავუჭერთ უკრაინას სხვადასხვა გზით“, – განაცხადა იენს სტოლტენბერგმა.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი