მარიუპოლში 10 000-ზე მეტი ახალი საფლავი აღმოაჩინეს - Associated Press
მარიუპოლში 10 300-მდე ახალი საფლავი აღმოაჩინეს. ამის შესახებ Associated Press-ი წერს.
გამოცემის ინფორმაციით, საფლავების უმეტესობა მდებარეობს „სტარი კრიმის“ სასაფლაოზე.
საერთო ფართობი, სადაც საფლავებია განთავსებული, 51 500 კვადრატულ მეტრზე მეტია.
გამოცემის ჟურნალისტებმა ჩაატარეს გამოძიება დრონების გამოყენებით და გადაიღეს, თუ როგორ იყენებდნენ რუსები მძიმე ტექნიკას გრძელი თხრილებისთვის, რომლებიც შემდეგ ივსებოდა.
„საფლავები მიწის ბორცვებს ჰგავდა, ზოგიერთი ხის ჯვრებით, მითითებული სახელებით და თარიღებით, მაგრამ ძირითადად ხელნაწერი ნომრებით. რამდენიმე საფლავი აღინიშნა ერთზე მეტი ნომრით“,- აღნიშნულია ინფორმაციაში.
სააგენტო აღნიშნავს, რომ მასობრივი საფლავების ტერიტორიაზე, ყოველ ექვს კვადრატულ მეტრზე, საშუალოდ, ერთი საფლავია.
ჟურნალისტებმა ასევე შეძლეს გაეანალიზებინათ სოფლების მანგუშსა და ვინოგრადნოიეს სასაფლაოები, სადაც მსგავსი მასობრივი საფლავები მარტიდან იყო გათხრილი.
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
