„ვინც მოიგებს, მოიგებს“ – ჯო ბაიდენი თურქეთში პრეზიდენტის არჩევნებზე
Politico ჯო ბაიდენის განცხადებას იხსენებს, რომელიც მან აშშ-ის საპრეზიდენტო არჩევნების დროს გააკეთა – ბაიდენმა თურქეთის ლიდერს „ავტოკრატი“ უწოდა და თქვა, რომ შეერთებული შტატები ერდოღანის ოპონენტებს დაუჭერდა მხარს.
თურქეთში, მიმდინარე წლის 14 მაისს საპრეზიდენტო არჩევნები ჩატარდა და დიდია შანსი, რომ ქვეყანაში მეორე ტური დაინიშნოს.
ჯო ბაიდენს ჟურნალისტებმა თურქეთში გამართული არჩევნების შესახებ დაუსვეს კითხვა, რაზეც მან განაცხადა:
„მე უბრალოდ იმედი მაქვს… ვინც გაიმარჯვებს, გაიმარჯვებს. მსოფლიოს იმ ნაწილში ახლა საკმარისი პრობლემებია“.
ამავე თემაზე კომენტარი გააკეთა აშშ-ის ეროვნული უშიშროების საბჭოს სპიკერმა ჯონ კირბიმ.
„თურქ ხალხს ვულოცავთ საარჩევნო უბნებზე, თავიანთი სურვილების მშვიდობიან გამოხატვას“, – განაცხადა კირბიმ ბრიფინგზე.
შეგახსენებთ, არჩევნებში 50%-ის დაგროვება ვერც მოქმედმა პრეზიდენტმა და ვერც მისმა მთავარმა კონკურენტმა ოპოზიციიდან, ქემალ კილიჩდაროღლუმ შეძლეს.
სიახლეები
- პატრიარქის სააღდგომო ეპისტოლე
- საქართველოს რკინიგზა 21 და 22 აპრილს თბილისი-ფოთი-თბილისის და თბილისი-ბათუმი-თბილისის მიმართულებით რეისებს ამატებს
- "საქართველოში არჩევნების გაყალბება და საგარეო კურსის შეცვლა მოგონილი თემებია, სიმართლე ჩვენს მხარესაა და მოსახლეობა მხარს ჩვენ გვიჭერს"
- "ჩვენ ვამბობთ, რომ ქართველი ხალხის ვიზით შანტაჟი ჩვენთვის მიუღებელია - შანტაჟის ქვეშ ეროვნული საქმე არ კეთდება"
- უცხოური ვალუტის ოფიციალური კურსი 18 აპრილისთვის
