ევროკავშირმა ბულგარეთისა და რუმინეთის ანტიკორუფციული და სამართლებრივი მონიტორინგი შეწყვიტა
ევროკავშირმა ბულგარეთისა და რუმინეთის ანტიკორუფციული და სამართლებრივი მონიტორინგი შეწყვიტა, რომელიც16 წელზე მეტს გრძელდებოდა. ამის შესახებ ევროკომისიის ვიცე-პრეზიდენტმა ვერა იუროვამ “ტვიტერის” პირად გვერდზე გამოაცხადა.
მან ბულგარეთსა და რუმინეთს მიულოცა და ოფიციალურად განაცხადა მექანიზმის დახურვის შესახებ.
ევროკომისიის პრეზიდენტმა ურსულა ფონ დერ ლაიენმა ამ გადაწყვეტილების კომენტირებისას მექანიზმის შესანიშნავი მუშაობას გაუშვა ხაზი.
“მინდა ბულგარეთსა და რუმინეთს მნიშვნელოვანი პროგრესი მივულოცო, რომელსაც ევროკავშირში გაწევრიანების შემდეგ მიაღწიეს. კანონიც უზენაესობა ჩვენი, როგორც კავშირის, ერთ-ერთი საერთო ფუნდამენტური ღირებულებაა, და ორივე წევრმა სახელმწიფომ ბოლო წლებში მნიშვნელოვანი რეფორმები განახორციელეს. დღეს ჩვენ ამ ძალისხმევებს ვაღიარებთ და მექანიზმის მოქმედებას ვწყვეტთ,” - განაცხადა ფონ დერ ლაიენმა.
ცნობისთვის, 2007 წელს, როდესაც ბულგარეთი და რუმინეთი ევროკავშირში გაწევრიანებისთვის ემზადებოდნენ, ორივე ქვეყანაში სასამართლო სფეროსა და კორუფციასთან დაკავშირებული პრობლემები რჩებოდა, ბულგარეთში კი ორგანიზებულ დანაშაულთანაც.
სიახლეები
- მზია ამაღლობელი სახაროვის პრემიის გამარჯვებული გახდა
- 71 წლის აზა ჩილაჩავას, რომელსაც აქციაზე სახის დაფარვას ედავებოდნენ, სასამართლომ სიტყვიერი შენიშვნა გამოუცხადა
- რუსებმა ხარკოვში საბავშვო ბაღს დრონით დაარტყეს
- “პეტერ ფიშერის ჩარევა შიდა პროცესებში ყველანაირი დიპლომატიური სტანდარტის დარღვევა იყო” – წილოსანი
- “ისღა დაგვრჩენია, თვალყური ვადევნოთ როგორ დაასაფლავებს ამ ხალხს რუსული რეჟიმი - შეიძლება შეუშვან პარლამენტში, მერე აუკრძალონ საქმიანობა და გამოყარონ, ნებისმიერ შემთხვევაში, რუსები მათზე ფეხებს გაიწმენდენ” - ზურაბ ჯაფარიძე გახარიას პარტიაზე
