"გამოვიყენებთ გაერო-ს გენერალურ ასამბლეას, რათა ნათლად გამოვხატოთ ურყევი მხარდაჭერა უკრაინის მიმართ" - ჯოზეფ ბორელი
მომავალ კვირას გაერო-ს გენერალურ ასამბლეაზე ევროკავშირი გამოიყენებს შესაძლებლობას, რომ კიდევ ერთხელ ხაზი გაუსვას უკრაინის ურყევ მხარდაჭერას და უშიშროების საბჭოს რეფორმის აუცილებლობას, რომლის გადაწყვეტილებებსაც რუსეთი ბლოკავს, – ამის შესახებ ევროკავშირის უმაღლესმა წარმომადგენელმა, ჯოზეფ ბორელმა განაცხადა.
„ეს კვირა არის კრიტიკული მომენტი გლობალური და მრავალმხრივი სისტემისთვის. უკრაინის წინააღმდეგ აგრესიული ომით რუსეთი, რომელიც არის ბირთვული ძალა და გაერო-ს უშიშროების საბჭოს მუდმივი წევრი, არღვევს გაერო-ს წესდებას. მიუხედავად გენერალური ასამბლეის არაერთგზის მოწოდებისა, რუსეთი არ აძლევს უშიშროების საბჭოს უფლებას, შეასრულოს თავისი როლი, არა მხოლოდ უკრაინაში, არამედ სხვაგანაც, რაც საფრთხეს უქმნის გაერთიანებული ერების ორგანიზაციის მთელი სისტემის სანდოობას“, – აღნიშნა ევროკავშირის უმაღლესმა წარმომადგენელმა.
ბორელის თქმით, ეს ომი რჩება უდიდეს საფრთხედ გლობალური სასურსათო უსაფრთხოებისთვის, რაც კიდევ უფრო გააღრმავებს გლობალურ კრიზისს.
„ჩვენ გამოვიყენებთ წლევანდელ გაერო-ს მაღალი დონის კვირეულს, რომ ნათლად გამოვხატოთ ჩვენი ურყევი მხარდაჭერა უკრაინის მიმართ, რათა მსოფლიოს ყველა კუთხის ქვეყნები შემოგვიერთდნენ გაერო-ს წესდების დასაცავად და რუსული ნეოიმპერიალიზმის წინააღმდეგ ბრძოლაში“, – წერს ბორელი.
სიახლეები
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი
- "ის, რომ ლაზარე გრიგორიადისის შემდეგ, კიდევ ვიღაცამ გაბედა „მოლოტოვის კოქტეილის“ ხელში აღება, სრულად ბრიუსელის სინდისზეა" - შალვა პაპუაშვილი
- უცხოური ვალუტის ოფიციალური კურსი 16 აგვისტოსთვის
