"უნგრეთმა დაბლოკა ყარაბაღის თაობაზე ევროკავშირის 27 ქვეყნის ერთობლივი განცხადება"- რიკარდ იოზვიაკი
საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჟოზეპ ბორელის განცხადება, რომელიც გმობს აზერბაიჯანის მოქმედებას მთიან ყარაბაღში, თავდაპირველად ევროკავშირის 27 წევრი ქვეყნის ერთობლივი განცხადება უნდა ყოფილიყო, მაგრამ უნგრეთმა დოკუმენტს ვეტო დაადო, წერს რადიო თავისუფლების ევროპის ბიუროს რედაქტორი რიკარდ იოზვიაკი სოციალურ ქსელ X-ში (ყოფილი Twitter-ი). ამის შესახებ მას აცნობა ერთმანეთისგან დამოუკიდებელმა სამმა ევროპელმა დიპლომატიურმა წყარომ.
გუშინ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჟოზეპ ბორელმა, გაავრცელა განცხადება, რომელშიც ევროკავშირი გმობს აზერბაიჯანის სამხედრო ქმედებებს მთიანი ყარაბაღის ხალხის წინააღმდეგ.
"აზერბაიჯანი პასუხისმგებელია მთიანი ყარაბაღის სომხების უფლებებისა და უსაფრთხოების უზრუნველყოფაზე, მათ შორის მათ უფლებაზე, იცხოვრონ საკუთარ სახლებში დაშინებისა და დისკრიმინაციის გარეშე. სამხედრო თუ სხვა საშუალებებით სამოქალაქო მოსახლეობის იძულებით გადაადგილება ევროკავშირის მხრიდან მკაცრ რეაქციას მიიღებს", - აღნიშნულია განცხადებაში.
უფრო ადრე, 19 სექტემბერს, ევროკავშირმა დაგმო სამხედრო ესკალაცია ყარაბაღში და აზერბაიჯანს სამხედრო მოქმედებების შეწყვეტისკენ მოუწოდა.
ევროკავშირის საგარეო-პოლიტიკური ხელმძღვანელის, ჟოზეპ ბორელის, განცხადებაში ნათქვამი იყო, რომ ევროკავშირი სრულად არის ჩართული აზერბაიჯანსა და სომხეთს შორის დიალოგის ხელშეწყობაში.
სიახლეები
- “ბრიტანეთის საელჩო ფიქრობდა, რომ ჩაქუჩს დაარტყამდა, მაგრამ ეს ჩაქუჩი, საბოლოო ჯამში, თითზე დაირტყა, ვინაიდან საკუთარი თავი ამხილა საქართველოში ექსტრემიზმის, სიძულვილის და პროპაგანდის დაფინანსებაში” - შალვა პაპუაშვილი
- “ოპოზიციას არ ჰყავს არცერთი რეიტინგული და ქარიზმატული ფიგურა, ამის გამოა, რომ ურეიტინგო პოლიტიკოსებს, ხან ერთ დავალებას აძლევენ გარედან, ხან მეორეს, ვერცერთი მათი ინიციატივა ვერ იქნება წარმატებული”- ირაკლი კობახიძე
- “ბრიუსელში ამ საკითხს არ ჰყავს ბევრი მხარდმჭერი, თუმცა კვლავ გრძელდება მუშაობა იმისთვის, რომ ეს თემა გამოიყენონ ქართველი ხალხის ინტერესების წინააღმდეგ” - მაკა ბოჭორიშვილი უვიზო მიმოსვლის საკითხზე
- ქუთაისის მუნიციპალიტეტის მერის მოადგილედ გიორგი ცხაკაია დაინიშნა
- “პოლონეთის პარლამენტში მოვისმინეთ მუქარა და შანტაჟი ქართველი ხალხის მიმართ, ქართველმა ხალხმა მხარი დაუჭირა ქვეყნის განვითარებას, მშვიდობას და ქვეყნის ევროპულ ინტეგრაციას, ვინმეს მოსწონს თუ არა ეს არჩევანი, მას ყველამ პატივი უნდა სცეს” - პრემიერი
