"უნგრეთს შეუძლია უკრაინასთან ევროკავშირის წევრობის შესახებ მოლაპარაკებების შეჩერება"
უნგრეთის პრემიერ-მინისტრი ვიქტორ ორბანი აცხადებს, რომ უნგრეთს შეუძლია უკრაინასთან ევროკავშირის წევრობის შესახებ მოლაპარაკებების შეჩერება. ამის შესახებ ორბანმა უნგრეთის სახელმწიფო რადიოსთან ინტერვიუში განაცხადა.
„ეს არის ცუდი გადაწყვეტილება. ჩვენ შეგვიძლია, ეს პროცესი მოგვიანებით შევაჩეროთ და თუ საჭირო იქნება, ჩვენს მუხრუჭს დავაჭერთ და საბოლოოდ გადაწყვეტილება უნგრეთის პარლამენტის მიერ იქნება მიღებული“, – განაცხადა ორბანმა.
უნგრეთის პრემიერ-მინისტრმა ვეტო დაადო უკრაინისთვის 50 მილიარდი ევროს ოდენობის დახმარების გამოყოფის გადაწყვეტილებას. მისი თქმით, მან ეს გააკეთა იმისთვის, რათა დარწმუნებულიყო, რომ უნგრეთი მიიღებს დაფინანსებას ევროკავშირის ბიუჯეტიდან.
„ეს არის დიდი შესაძლებლობა უნგრეთისთვის, მკაფიოდ განაცხადოს, რომ მან უნდა მიიღოს ის, რისი უფლებაც აქვს და არა ამის ნახევარი ან მეოთხედი“, – განაცხადა ორბანმა.
შეგახსენებთ, ევროკავშირის სამიტამდე ევროკომისიამ უნგრეთისთვის გაყiნული ფონდიდან 10 მილიარდი ევროს გამოყოფას მხარი დაუჭირა. ევროკავშირს უნგრეთისთვის განკუთვნილი 22 მილიარდი ევროს ოდენობის თანხა ჰქონდა გაყინული კორუფციასა და კანონის უზენაესობასთან დაკავშირებული პრობლემების გამო.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ