რუსეთის ქალაქ ყაზანზე დრონებით შეტევა იყო, აეროპორტი დროებით დახურულია
დღეს, 14 იანვარს, გამთენიისას აფეთქებები იყო რუსეთის თათრეთის რესპუბლიკის დედაქალაქ ყაზანში.
ადგილობრივი ტელეგრამ-არხების და მედიასაშუალების ცნობით, უკრაინამ დრონებით შეუტია ყაზანში მდებარე ქიმიურ ქარხანას, „ყაზანორგსინთეზს“, სადაც ხანძარი გაჩნდა. რუსეთის სახელმწიფო სააგენტო „ტასი“ ყაზანის „ოპერატიულ სამსახურებზე“ დაყრდნობით წერს, რომ ამ ქარხნის ტერიტორიაზე ხანძარი არ ყოფილა და აფეთქება სხვა ადგილას მოხდა. რუსული წყაროების თანახმად, აფეთქება მოხდა თხევადი გაზის საცავში, რომელიც ქიმიური ქარხნის მახლობლად მდებარეობს.
თათრეთის რესპუბლიკის მეთაურის პრესსამსახურის მიერ გავრცელებული ცნობით, დრონებით შეტევის შედეგად ყაზანის გარეუბანში ცეცხლი გაუჩნდა გაზის ცისტერნას, არავინ დაშავებულა. სხვა დეტალებს პრესსამსახური არ აკონკრეტებს.
უპილოტო საფრენი აპარატებით შეტევის გამო დროებით დახურეს ყაზანის აეროპორტი.
უკრაინას ყაზანზე დრონებით დღევანდელი შეტევის შესახებ ჯერჯერობით არაფერი უთქვამს.
რუსეთთან ომში მყოფ უკრაინას რუსეთის ტერიტორიაზე და ანექსირებულ ყირიმში კანონიერ სამიზნედ აქვს გამოცხადებული სამხედრო ობიექტები და საწარმოები, რომლებიც რუსული არმიის მომარაგებაზე მუშაობენ.
BBC-ს რუსული სამსახურის ინფორმაციით, 2024 წელს უკრაინამ რუსეთის ტერიტორიაზე და ანექსირებულ ყირიმში დრონებით, სულ მცირე, 81-ჯერ შეუტია ნავთობგადამამუშავებელ საწარმოებს და საწვავის საცავებს.
სიახლეები
- “არჩევნებში მონაწილეობა ჩემ წინააღმდეგ აღვირახსნილმა ბულინგმა მაიძულა, ამიტომ დავთანხმდი ქუთაისის მერის არჩევნებში ჩართვას” - პაატა ზაქარეიშვილი
- NATO პოლონეთში რუსული დრონების შეჭრას ალიანსზე თავდასხმად არ მიიჩნევს
- რა გზებით შეგიძლიათ, ამომრჩეველთა ერთიან სიაში თქვენი მონაცემები გადაამოწმოთ – ცესკო-ს პრესსპიკერის განმარტება
- საქართველოს კალათბურთელთა ნაკრები ფინეთს დღეს მეოთხედფინალში შეხვდება
- “ჩვენ ყოველდღიურად ვხვდებით ამომრჩევლებს, ისინი მხოლოდ ერთმანეთს ხვდებიან – რამდენიმე აკაცუკი შეიკრიბება და აგინებენ ყველას, ვინც მათ გვერდით არ არის” - კახა კალაძე ოპოზიციაზე
