ხარკოვში რუსული დრონებით შეტევამ მასშტაბური ხანძარი გამოიწვია
სულ მცირე ორი ადამიანი დაშავდა უკრაინის ქალაქ ხარკოვში, უპილოტო საფრენი აპარატებით რუსეთის მორიგი შეტევის გამო.
თავდასხმა 28 იანვარს, შუაღამის შემდეგ განხორციელდა.
უკრაინის საგანგებო სიტუაციების სამსახურის ინფორმაციით, რუსეთის საოკუპაციო ძალებმა დრონებით დაარტყეს ხარკოვის ნოვობავარის რაიონში მდებარე სამოქალაქო საწარმოს, სადაც მასშტაბური ხანძარი გაჩნდა. მისი ლოკალიზება მეხანძრეებმა ადგილობრივი დროით ღამის სამი საათისთვის შეძლეს.
დილის ექვსი საათის მონაცემებით, ხანძრის ლიკვიდაციაში ჩართული იყო 80-ზე მეტი მაშველი და 20 ერთეული ტექნიკა.
უკრაინული მედიის ცნობით, ობიექტი, რომელსაც ხანძარი გაუჩნდა, სავარაუდოდ, ხის გადამამუშავებელი საწარმოა. ცეცხლი მოედო გაზსადენსაც.
სიახლეები
- "ევროსაბჭოში ის ინიცირებული ვარიანტი, რაც ჩვენ ვნახეთ, პირდაპირ შეურაცხყოფას აყენებს როგორც სტრასბურგის სასამართლოს, ასევე ეუთო/ოდირის მისიას " - რატი იონათამიშვილი
- " ახალი არჩევნები, შესაძლოა, აპრილში ჩატარდეს - დროებითი მთავრობა გამორიცხულია" - ალექსანდრ ვუჩიჩი
- " მზია ამაღლობელი არის ჩვენი სინდისი, ჩვენი სახე, სიამაყე, რომელიც წინააღმდეგობას უწევს ივანიშვილის რეჟიმის მცდელობას, საქართველო რუსეთში ჩაითრიოს"- სალომე ზურაბიშვილი
- მსახიობი ალეკო თეთრაშვილი გარდაიცვალა
- "მზია ამაღლობელისთვის წარდგენილი ბრალდება და წინასწარი პატიმრობა გადაჭარბებული და გაუმართლებელი ჩანს"- პეტერ ფიშერი
