ამერიკის კონგრესის კვლევის სამსახურის (CRS) თანახმად, USAID-მა 10 000-ზე მეტი ადამიანი დაასაქმა მთელ მსოფლიოში, მათი 2/3 შეერთებული შტატების ფარგლებს გარეთ. დონალდ ტრამპის ადმინისტრაცია აპირებს, გლობალურად შეამციროს აშშ-ის საერთაშორისო განვითარების სააგენტოს (USAID) სამუშაო ძალა 300-ზე ნაკლებ თანამშრომლამდე.

როგორც Reuters-ი წერს, შემცირებები საფრთხეს უქმნის საკვანძო ჰუმანიტარულ პროგრამებს მთელ მსოფლიოში და შეიძლება, დაარღვიოს როგორც თანამშრომლების, ასევე დახმარების მიმღებების სიცოცხლე, რადგან, მედიის ცნობითვე, USAID-ის პროექტები ფოკუსირებულია კრიტიკულ სფეროებზე, როგორიცაა დაავადებების პრევენცია, კატასტროფების შემსუბუქება და სიღარიბის დაძლევა მსოფლიოს ზოგიერთ ღარიბ რეგიონში.

ადმინისტრაცია დიდი ხანია მიზნად ისახავს USAID-ის რეფორმას და ეს შემცირება, როგორც უცხოური მედია ვარაუდობს, ამ მიზანს ემსახურება.

როგორც ,,როიტერი” წერს, მოსალოდნელია, რომ პერსონალის დაკარგვა ზიანს მიაყენებს გრძელვადიან ურთიერთობებს უცხოურ მთავრობებთან, ადგილობრივ ორგანიზაციებთან და საერთაშორისო პარტნიორებთან, რაც აუცილებელია აშშ-ის მთავრობის საგარეო დახმარების პროგრამების ეფექტურობისთვის.