,,მზად ვარ პუტინთან მოლაპარაკებისთვის, თუ იქნება იმის გაგება, როგორ დასრულდება ომი"- ვოლოდიმერ ზელენსკი
უკრაინის პრეზიდენტი, ვოლოდიმირ ზელენსკი აცხადებს, რომ მზადაა რუსეთის პრეზიდენტ ვლადიმერ პუტინთან მოლაპარაკებებისთვის, თუკი იქნება გაგება უკრაინის წინააღმდეგ რუსეთის სრულმასშტაბიანი აგრესიის დასრულების შესახებ.
„რა თქმა უნდა, აშშ-ს, პრეზიდენტ ტრამპს და ევროკავშირის ქვეყნებს მიაჩნიათ, რომ დიპლომატია შეუძლებელია რუსეთის გარეშე, პუტინის გარეშე. ამიტომ მე ვთქვი: „დიახ, მზად ვარ (პუტინთან მოლაპარაკებისთვის), თუ გვექნება გაგება, როგორ დასრულდება ეს ომი“, – თქვა ზელენსკიმ.
მან პუტინთან მოლაპარაკების განკარგულების გაუქმების ვითარებასთან დაკავშირებით მოსკოვის განცხადებებს რუსეთის ნარატივი უწოდა.
„ისინი მუდმივად ეძებენ მიზეზს, რათა შეხვედრა არ შედგეს. და ეს პირდაპირ ვთქვი. ისინი ყოველთვის იპოვიან საბაბს. თუ ჩვენ ნამდვილად გვინდა ომის დასრულება, თუ ჩვენ მშვიდობა გვინდა, მიზეზები მეორეხარისხოვანი უნდა იყოს. დანარჩენი საკითხები მოგვარდება, დარწმუნებული ვარ. მაგრამ პრობლემა ისაა, რომ, ჩემი აზრით, პუტინს უბრალოდ ეშინია ჩემთან ომის დასრულებაზე საუბრის“, – აღნიშნა ზელენსკიმ.
სიახლეები
- იმერეთში სახელმწიფო რწმუნებულმა ლევან ზალკალიანმა, ჩინეთის სახალხო რესპუბლიკაში, კუეიიანგის ეკო ფორუმში მიიღო მონაწილეობა
- პროკურატურამ ალექსი ახვლედიანს ბრალდება წარუდგინა
- ელენე ხოშტარია 5000 ლარით დააჯარიმეს პოლიციელებისთვის „მონის“ დაძახების გამო
- ისრაელის პრემიერმინისტრმა ბენიამინ ნეთანიაჰუმ 7 ივლისს აშშ-ს პრეზიდენტ დონალდ ტრამპს უთხრა, რომ მან იგი ნობელის მშვიდობის პრემიაზე წარადგინა
- “ექვს დიდ ქალაქში ვიომოთ, დანარჩენებში – ბოიკოტი, საერთო კანდიდატები, თბილისში სალომე ზურაბიშვილი ლიდერი და ჩვენ მის გარშემო” - ალეკო ელისაშვილი