"უკრაინელ სამხედროებს სიცოცხლე შეუნარჩუნდებათ თუ იარაღს დაყრიან" - პუტინი
უკრაინელ სამხედროებს სიცოცხლე შეუნარჩუნდებათ თუ იარაღს დაყრიან, - ამის შესახებ რუსეთის პრეზიდენტმა, ვლადიმერ პუტინმა აშშ-ის პრეზიდენტის, დონალდ ტრამპის მოწოდების შემდეგ განაცხადა.
„ამასთან დაკავშირებით ხაზს გავუსვამ, რომ იარაღის დაყრისა და ტყვედ ჩაბარების შემთხვევაში მათ გარანტირებული ექნებათ სიცოცხლის შენარჩუნება და ღირსეული მოპყრობა საერთაშორისო სამართლის ნორმებთან და რუსეთის ფედერაციის კანონებთან შესაბამისობაში…
აშშ-ის ახალი ადმინისტრაცია პრეზიდენტი ტრამპის მეთაურობით ყველაფერს აკეთებს იმისთვის, რათა თუნდაც რამე აღდგეს იქიდან, რაც ნულამდე იყო დაყვანილი, განადგურებული იყო წინა ადმინისტრაციის მიერ“, - განაცხადა პუტინმა.
ცნობისთვის, აქამდე ტრამპმა განცხადება გაავრცელა, რომ „ათასობით უკრაინელი სამხედრო სრულიად ალყაშემორტყმულია რუსეთის სამხედროების მიერ“ და პუტინს სთხოვა ისინი დაინდოს. თავის მხრივ, უკრაინის გენერალურმა შტაბმა აღნიშნა, რომ კურსკის ოლქში უკრაინული ქვედანაყოფების „ალყაში მოქცევის“ შესახებ ცნობები რეალობას არ შეესაბამება და ამის საფრთხე არ არსებობს.
სიახლეები
- გამკაცრებული კანონმდებლობის გავლენა პროტესტის დინამიკაზე - ოპოზიციისა და ხელისუფლების საგაზაფხულო მანევრები
- "პუტინი იტყუება ბრძოლის ველზე არსებულ ვითარებაზე, იტყუება დანაკარგებზე, იტყუება მისი ეკონომიკის მდგომარეობაზე" - ზელენსკი
- „ევროვიზია 2025“-ზე საქართველოს მარიამ შენგელია წარადგენს
- უცხოური ვალუტის ოფიციალური კურსი 15 მარტისთვის
- "ნაკლებად მჯერა სალომე ზურაბიშვილის ლიდერობის, ხაზარაძეს ფული აქვს და ის იჩალიჩებს ლიდერობაზე" - იაგო ხვიჩია