ტრამპთან საუბრის შემდეგ, რამდენიმე საათში, რუსეთმა უკრაინის ენერგეტიკული ინფრასტრუქტურა დაბომბა
რუსეთმა დაბომბა უკრაინის ენერგეტიკული ინფრასტრუქტურა რამდენიმე საათის შემდეგ, რაც ვლადიმერ პუტინმა დონალდ ტრამპს უთხრა, რომ შეაჩერებდა თავდასხმებს ქსელზე,- ამის შესახებ უკრაინული მედია იუწყება.
პუტინის ძალებმა დონეცკის ოლქის 100 000 მოსახლეობით, ქალაქ სლოვიანსკის ენერგეტიკულ ინფრასტრუქტურაზე ავიაიერიში მიიტანეს. ადგილობრივების ინფორმაციით, ქალაქის ნაწილი ელექტროენერგიის გარეშე დარჩა.
როგორც მედია იუწყება, ეს მოხდა მას შემდეგ, რაც პუტინმა უარყო ტრამპის წინადადება უკრაინაში ცეცხლის დაუყოვნებელი შეწყვეტის შესახებ, სანაცვლოდ დათანხმდა 30-დღიან პაუზას ენერგეტიკასა და ინფრასტრუქტურაზე თავდასხმების შესახებ.
კრემლის განცხადებით, პუტინმა რუს სამხედროებს უბრძანა, დაუყოვნებლივ შეაჩერონ თავდასხმები უკრაინაში ენერგოსადგურებზე, თუმცა, ტრამპთან ზარის შემდეგ მალევე, უკრაინაში საჰაერო თავდასხმის სირენები და აფეთქებები გაისმა.
შეგახსენებთ, კრემლმა განაცხადა, რომ „უცხოური სამხედრო დახმარების სრული შეწყვეტა და კიევისთვის სადაზვერვო ინფორმაციის მიწოდება“ არის ნებისმიერი მუდმივი სამშვიდობო შეთანხმების პირობა. როგორც მედია ვარაუდობს, უკრაინა და ევროპის დიდი ნაწილი ნაკლებად სავარაუდოა, რომ დათანხმდეს ამას.
სიახლეები
- ,,სალომე ზურაბიშვილს ისევ ოპოზიცია დაუპირისპირა „დიფ სთეითმა”, მას, როგორც ვადაგასულ პროდუქტს, ჩამოწერენ ქართული პოლიტიკიდან"- ირაკლი კობახიძე
- ,,ვერცერთი სცენარის პირობებში ვერავინ შეარყევს ქართული სახელმწიფოს სუვერენიტეტს და დამოუკიდებლობას"- ირაკლი კობახიძე
- ოკუპირებულ აფხაზეთსა და რუსეთს შორის რეგულარული ფრენები პირველი მაისიდან დაიწყება
- სუსის უფროსის თანამდებობაზე პარლამენტმა ანრი ოხანაშვილი აირჩია
- ,,ცვლილებები ცესკო-ში იმის მაჩვენებელია, რომ ძალიან ნერვიულობენ და არჩევნებისთვის ემზადებიან "- სალომე ზურაბიშვილი
