ვოლოდიმირ ზელენსკი თეთრ სახლში დონალდ ტრამპთან კამათზე - მე ვიცავდი უკრაინის ღირსებას
უკრაინის პრეზიდენტის, ვოლოდიმირ ზელენსკის განცხადებით, თეთრი სახლის ოვალურ კაბინეტში აშშ-ის პრეზიდენტ დონალდ ტრამპსა და ვიცე-პრეზიდენტ ჯეი დი ვენსთან კამათისას უკრაინის ღირსებას იცავდა.
ეს განცხადება ზელენსკიმ გამოცემა Time-თან ინტერვიუში გააკეთა.
„რატომ იცავდნენ თავს უკრაინელები ამ ომის დასაწყისში? ეს იყო ღირსების გამო. ჩვენ თავს არ მივიჩნევთ რაღაც ზესახელმწიფოდ. მაგრამ უკრაინელები ძალიან ემოციურები არიან და როცა საქმე ეხება ჩვენს ღირსების გრძნობას, თავისუფლებას, დემოკრატიას, ჩვენი ხალხი დგება და ერთიანდება“, - აღნიშნა ზელენსკიმ.
მისი თქმით, უკრაინელები იმედოვნებდნენ, რომ ოვალურ კაბინეტში იხილავდნენ მტკიცებულებას, რომ შეერთებული შტატები მათ მოკავშირედ რჩება.
„მაგრამ იმ მომენტში გაჩნდა განცდა, რომ არ იყვნენ მოკავშირეები, ან არ იკავებდნენ მოკავშირის პოზიციას. იმ საუბარში მე ვიცავდი უკრაინის ღირსებას“, - აღნიშნა ზელენსკიმ.
სიახლეები
- უკრაინელებს საქართველოში უვიზოდ ყოფნის ვადა სამი წლიდან ერთ წლამდე უმცირდებათ
- ,,ტრამპის ხელისუფლებაში მოსვლიდან გასულია 74 დღე და არათუ არაფერი არ შეცვლილა „ქართული ოცნების“ ბოროტმოქმედი, სამარცხვინო, რუსულ-ჩინურ-ირანული რეჟიმის სასიკეთოდ, პირიქით, წნეხი იზრდება"- გრიგოლ გეგელია
- მოლაპარაკებებისკენ მოწოდება - მსოფლიო ტრამპის ტარიფებზე რეაგირებს
- ,,როგორც აქ მოსმენილი ფაქტებით ირკვევა, ბატონი მამუკა და „თიბისი“ ბანკი „ნაციონალური მოძრაობის“ დროს გარკვეული ტიპის ხელის ბიჭები იყვნენ"- თეა წულუკიანი
- შინაგან საქმეთა სამინისტრომ სამი ნარკორეალიზატორი დააკავა
