,,სამწუხაროდ, ევროპარლამენტი და ევროპის საბჭოს საპარლამენტო ასამბლეა საქართველოს სათანადოდ არ ეპყრობიან"- მევლუთ ჩავუშოღლუ
სამწუხაროდ, ევროპარლამენტი და ევროპის საბჭოს საპარლამენტო ასამბლეა საქართველოს სათანადოდ არ ეპყრობიან, მე მათ ქართველი ხალხის თავისუფალი არჩევანის პატივისცემისკენ მოვუწოდებ, – ამის შესახებ თურქეთის ყოფილმა საგარეო საქმეთა მინისტრმა, ნატო-ს საპარლამენტო ასამბლეაში თურქეთის დელეგაციის ხელმძღვანელმა, მევლუთ ჩავუშოღლუმ ანტალიის დიპლომატიური ფორუმის ფარგლებში ქართველ ჟურნალისტებს განუცხადა.
როგორც მევლუთ ჩავუშოღლუმ აღნიშნა, საქართველოსა და თურქეთს ძალიან კარგი პოლიტიკური და ეკონომიკური ურთიერთობები აკავშირებთ.
„ჩვენ გვაქვს შესანიშნავი ორმხრივი ურთიერთობები, გვაკავშირებს ძალიან კარგი პოლიტიკური და ეკონომიკური ურთიერთობა. საქართველოს ევროატლანტიკურ მისწრაფებებს დასაწყისიდანვე მხარს ვუჭერდით, საერთაშორისო ორგანიზაციებში კი, საქართველო და თურქეთის რესპუბლიკა ერთმანეთის რეზოლუციებსა და კანდიდატურებს უჭერენ მხარს, სხვადასხვა პლატფორმაზე. სწორედ ამით ვარ მე დაკავებული ახლაც, თურქული დელეგაციის მეთაურის რანგში, ნატო-ს საპარლამენტო ასამბლეაზე. სამწუხაროდ, ევროპარლამენტი და ევროპის საბჭოს საპარლამენტო ასამბლეა საქართველოს სათანადოდ არ ეპყრობიან, მე მათ ქართველი ხალხის თავისუფალი არჩევანის პატივისცემისკენ მოვუწოდებ“, – განაცხადა ჩავუშოღლუმ.
სიახლეები
- “არ მინდა, ბრძოლის გარეშე კალაძეს თბილისი გადავაბარო - მინდა, დავარწმუნო პარტნიორები, რომ გამარჯვების ფორმულა არის ბრძოლაში” -მამუკა ხაზარაძე
- თურქეთში ყურბან-ბაირამის პირველ დღეს 14 000-ზე მეტი ადამიანი დაშავდა
- “ჩვენ არ ვართ ბავშვები პუტინთან ერთად სკვერში, სათამაშო მოედანზე, ის მკვლელია, რომელიც ამ სკვერში ბავშვების მოსაკლავად მოვიდა” - ვვოლოდიმირ ზელენსკი ტრამპის განცხადებაზე
- განათლების სამინისტრო - გავრცელებული ინფორმაცია, რომ ინკლუზიური განათლების სამმართველო გაუქმდა, არ შეესაბამება სიმართლეს - გაერთიანდა სტრატეგიული დაგეგმვისა და ინკლუზიური განვითარების სამმართველო
- “ოპოზიციის “გარე უფროსები” ფსონს უკვე არა “ნაციონალურ მოძრაობაზე”, არამედ “ლელოსა” და გიორგი გახარიას გუნდზე – “საქართველოსთვის” დებენ” - ლევან მაჭავარიანი
