ლევიტმა კიდევ ერთხელ ხაზგასმით აღნიშნა, რომ შეერთებული შტატები არ ითხოვს უკრაინისგან ყირიმის „რუსულად“ აღიარებას.

„(ტრამპი) მხარეებს სთხოვს მოლაპარაკებების მაგიდასთან მისვლას, იმის აღიარებით, რომ ეს სასტიკი ომი ძალიან დიდხანს გაგრძელდა და იმისათვის, რომ კარგი გარიგება შედგეს, ორივე მხარე ცოტა უკმაყოფილო უნდა დარჩეს“, – განაცხადა პრესმდივანმა.

მისი თქმით, მოლაპარაკებები დახურულ კარს მიღმა უნდა იყოს.

„სამწუხაროდ, პრეზიდენტი ზელენსკი ცდილობს მედიაში სამშვიდობო მოლაპარაკებების შესახებ კამათს და ეს პრეზიდენტისთვის მიუღებელია. მოლაპარაკებები დახურულ კარს მიღმა უნდა იყოს“, – დასძინა მან.

ლევიტმა თქვა, რომ შეერთებულმა შტატებმა დიდი დრო და რესურსი დახარჯა ომის დასასრულებლად, ახლა კი ტრამპი „იმედგაცრუებული და მოთმინება ეწურება“.

„მას სურს, რომ მკვლელობა შეწყდეს. მაგრამ ეს მოითხოვს, რომ ომის ორივე მხარე იყოს მზად ამის გასაკეთებლად. და სამწუხაროდ, პრეზიდენტი ზელენსკი, როგორც ჩანს, არასწორი მიმართულებით მოძრაობს“, – დასძინა სპიკერმა.