აშშ-მა ჰარვარდის უნივერსიტეტისთვის გამოყოფილი 60 მილიონი დოლარის გრანტი გააუქმა
აშშ-ის ჯანმრთელობისა და სოციალური დაცვის დეპარტამენტმა განაცხადა, რომ ჰარვარდის უნივერსიტეტისთვის 60 მილიონი დოლარის ფედერალური გრანტის გამოყოფას წყვეტს,- ამის შესახებ “როიტერი” წერს.
როგორც მედია იუწყება, მიზეზად სახელდება ის, რომ უმაღლესი სასწავლებელი ანტისემიტიზმსა და ეთნიკურ ნიადაგზე დისკრიმინაციას ვერ გაუმკლავდა.
აღსანიშნავია, რომ აშშ-ის პრეზიდენტის, დონალდ ტრამპის ადმინისტრაციამ ბოლო კვირების განმავლობაში უნივერსიტეტისთვის, თითქმის, 3 მილიარდი დოლარის ღირებულების ფედერალური გრანტები და კონტრაქტები გაყინა ან შეწყვიტა.
პრეზიდენტის ადმინისტრაცია ფიქრობს, რომ ჰარვარდის უნივერსიტეტი სტუდენტების განცხადებების მიღებისას მათ ეთნიკურ წარმომავლობას აქცევს ყურადღებას და პროპალესტინური სტუდენტური მოძრაობის მხრიდან ებრაელების მიმართ დისკრიმინაციას ვერ უმკლავდება.
სიახლეები
- ცნობილია ვინ იბრძოლებს ქუთაისის მერობისთვის
- “სახეზეა საპროტესტო მსვლელობის მონაწილეებზე მიზანმიმართული, ძალადობრივი თავდასხმა, მშვიდობიანი პროტესტის ჩასახშობად და მოქალაქეთა დასჯის მიზნით, კრიმინალური მეთოდების გამოყენება” - საია
- “თბილისის საარჩევნო შტაბზე “ნაცი” ტიტუშკების თავდასხმები არჩევნებში გარე ჩარევის აშკარა მაგალითია, რომლის მიზანიც ძალადობრივი წინასაარჩევნო გარემოს შექმნაა” – პაპუაშვილი
- რუსეთის თავდასხმას დონეცკში 21 ადამიანი ემსხვერპლა
- მზია ამაღლობელს Free Media Awards-ი გადაეცემა
