„წინასწარი მონაცემებით დაინგრა ექვსი კერძო საცხოვრებელი შენობა, დაზიანდა 20-ზე მეტი. ასევე ჩაიმსხვრა საგანმანათლებლო დაწესებულებისა და საზოგადოებრივი ტრანსპორტის ფანჯრები“, - განაცხადეს რეგიონის ადმინისტრაციაში.

სამი ადამიანი დაღუპა კიევის ოლქში, ათი დაიჭრა. დაზიანებულია ბიზნეს ცენტრი და საერთო საცხოვრებელი.

უკრაინის საგანგებო სიტუაციების სახელმწიფო სამსახურის ცნობით, ერთი ადამიანი დაიღუპა და ხუთი დაშავდა ნიკოლაევზე რუსეთის იერიშის შედეგად.

„ღამის თავდასხმის შედეგად, უპილოტო საფრენი აპარატი ხუთსართულიან საცხოვრებელ შენობას შეეჯახა, რამაც ძლიერი ხანძარი გამოიწვია. 06:00 საათის მონაცემებით, მაშველებმა 1948 წელს დაბადებული მამაკაცის ცხედარი ამოიყვანეს. დაშავდა ხუთი ადამიანი, მათ შორის ერთი მოზარდი. შენობის ორი სართული დანგრეულია. ნანგრევებიდან ორი ქალი ამოიყვანეს, ერთის მდგომარეობა მძიმეა. ევაკუირებულია 210 მცხოვრები“, - ნათქვამია ადმინისტრაციის შეტყობინებაში.