მსხვერპლი და ნგრევა მოჰყვა უკრაინაზე რუსეთის მორიგ შეტევას
რუსეთის ჯარებმა უკრაინაზე მიიტანეს მორიგი იერიში, რომელსაც მსხვერპლი და ნგრევა მოჰყვა. ადგილობრივი ხელისუფლების მონაცემებით, საოკუპაციო ძალებმა უპილოტო საფრენი აპარატები და სხვადასხვა ტიპის რაკეტები გამოიყენეს.
ზაპოროჟიეს საოლქო-სამხედრო ადმინისტრაციის ინფორმაციით, მორიგი საავიაციო დარტყმის ქვეშ, რომელსაც თან ახლად საარტილერიო შეტევაც, 16 დასახლებული პუნქტი აღმოჩნდა. დაიღუპა 5 და დაიჭრა 9 ადამიანი. დაზიანებულია სახლები.
ხარკოვის მერის, იგორ ტერეხოვის ცნობით, დრონებით შეტევის შედეგად ქალაქის ორ რაიონში დაშავდა 6 ადამიანი, მათ შორის 2 ბავშვი. დაზიანებულია სამოქალაქო საწარმო და რამდენიმე კერძო სახლი.
დნეპროპეტროვსკის საოლქო-სამხედრო ადმინისტრაციის მონაცემებით, ნიკოპოლის და მარგანეცის რაიონებში 3 ადამიანი დაშავდა. დაზიანებულია სამედიცინო დაწესებულება, სახანძრო ნაწილი, მაღაზია და ელექტროგადამცემი ხაზები.
უკრაინის საგანგებო სიტუაციების სამსახურის ინფორმაციით, ჩერნიგოვის ოლქში მასშტაბური ხანძარი გაჩნდა ერთ-ერთი საწარმოს ტერიტორიაზე. საწარმო დაკონკრეტებული არ არის.
სიახლეები
- ამინდი მკვეთრად უარესდება – სინოპტიკოსების გაფრთხილება
- ,,დღეს აშშ-ის მოქმედი ადმინისტრაცია ზუსტად ისე აფასებს ევროპაში მიმდინარე პროცესებს, როგორც ჩვენ ამას ვაკეთებდით გასული წლების განმავლობაში"- ირაკლი კობახიძე
- ,,ევროკავშირის პრინციპი აგებული უნდა იყოს თანამშრომლობაზე, შეთანხმებაზე და არა პოზიციების დაპირისპირებაზე "- გია ვოლსკი
- ,,ჩვენც გვაქვს ჩვენი კითხვის ნიშნები და სწორედ რომ სტრასბურგის სასამართლოს დავალებით განვაახლეთ გამოძიება"- ირაკლი კობახიძე
- თურქმენეთში მშვიდობისა და ნდობის საერთაშორისო წლისადმი მიძღვნილი ფორუმი იმართება
