გავრცელებული ინფორმაციით, ბანაკში დასვენების უფლება გოგოებს მეორე კლასიდან ეძლევათ. დაკარგულთა შორის არიან 8-9 წლის გოგოები. მშობლები ყოველწუთიერად ელიან ინფორმაციის განახლებას. სამაშველო სამსახური იმედოვნებს, რომ დაკარგულები ცოცხლები არიან და სტიქიის გამო ჯერჯერობით ხმას ვერ აწვდენენ მშობლებს.

გუბერნატორის გადაწყვეტილებით, ტეხასის შტატის კერის ოლქში სამაშველო სამუშაოები მთელი ღამის განმავლობაში [იქ ახლა ღამეა - რ.თ.] არ შეჩერდება. მაშველებისთვის ხელმისაწვდომია ყველა სახის საჭირო რესურსი. დაკარგულებს ვერტმფრენებითაც ეძებენ.

იტყობინებიან, რომ ამ მასშტაბის ნალექი არ იყო მოსალოდნელი ამინდის პროგნოზით და არავინ მოელოდა.

ტეხასის შტატში, მთელ ტერიტორიაზე გადაიდო დამოუკიდებლობის დღისადმი მიძღვნილი საზეიმო ღონისძიებები. წყალდიდობამ დაანგრია ინფრასტრუქტურა. ზარალის მასშტაბის შესახებ ჯერჯერობით ცნობები არ ვრცელდება.