“„ჰამასმა“ უნდა დაყაროს იარაღი - ჩვენ გავანადგურეთ მათი სამხედრო შესაძლებლობების უმეტესი ნაწილი, მაგრამ ყველა არა, ჯერ კიდევ რამდენიმე ათასი შეიარაღებული მებრძოლი რჩება” - ბენიამინ ნეთანიაჰუ
ისრაელის პრემიერ-მინისტრი, ბენიამინ ნეთანიაჰუ აცხადებს, რომ ისრაელი მზადაა, ღაზაში ომი დაასრულოს, თუ „ჰამასი“ ისრაელის პირობებს დათანხმდება.
მისივე თქმით, თუ შეთანხმება მოლაპარაკებებით მიიღწევა, მისასალმებელი იქნება, თუმცა თუ რამდენიმე თვის განმავლობაში ეს დიპლომატიით ვერ მოხერხდება, მაშინ საქმეში ისრაელის სამხედრო ძალები ჩაერთვებიან.
„ჰამასმა“ უნდა დაყაროს იარაღი, „ჰამასს“ აღარ უნდა ჰქონდეს სამხედრო შესაძლებლობები. ეს არის ჩვენი ძირითადი პირობები. ჩვენ გავანადგურეთ „ჰამასის“ სამხედრო შესაძლებლობების უმეტესი ნაწილი, მაგრამ ყველა არა. ჯერ კიდევ რამდენიმე ათასი შეიარაღებული მებრძოლი რჩება. ჩვენ განვაგრძობთ კომბინირებულ მიდგომას – პირველ რიგში, დიპლომატიას, მაგრამ თუ ეს არ გაამართლებს, მაშინ სამხედრო ძალას მივმართავთ, რათა მისია სრულად შესრულდეს“, -განაცხადა მან.
სიახლეები
- პოლიციამ პროსტიტუციის ხელშეწყობის ბრალდებით 12 პირი დააკავა და 13 ობიექტი დახურა
- ტრამპი კვლავ სანქციებით დაიმუქრა, თუ უკრაინაში მშვიდობა არ დამყარდება
- ინდოეთში მეწყერს, სულ ცოტა, 30 ადამიანი ემსხვერპლა
- ქობულეთში, ზღვაში ახალგაზრდა მამაკაცის ცხედარი იპოვეს
- დაღესტანში, საქართველოს საზღვრიდან 131 კილომეტრში მიწისძვრა მოხდა
