აფეთქება 18 ივლისს, ადგილობრივი დროით დაახლოებით 07:30 საათზე ლოს-ანჯელესის ოლქის შერიფის დეპარტამენტის ბისკაილუზის ცენტრის სასწავლო აკადემიაში მოხდა, სადაც შერიფის დეპარტამენტის სპეციალური დანიშნულების რაზმები და ბომბების გამანადგურებელი რაზმია განთავსებული.

აფეთქების ზუსტი მიზეზი უცნობია და ოფიციალურ პირებს ჯერ არ დაუდასტურებიათ, არიან თუ არა შემთხვევის შედეგად დაშავებულები.

აშშ-ის გენერალურმა პროკურორმა, პემ ბონდიმ ინციდენტს „საშინელი“ უწოდა და განაცხადა, რომ ადგილზე ფედერალური აგენტები არიან მობილიზებული, რომლებიც „მეტი ინფორმაციის მისაღებად მუშაობენ“.

ხელისუფლების წარმომადგენლების თქმით, აფეთქება დაწესებულების სპეციალური აღსრულების ბიუროს ავტოსადგომზე მოხდა.