რუსეთში კატასტროფა განიცადა სამგზავრო თვითმფრინავმა
რუსეთის ამურის ოლქში ჩამოვარდა ავიაკომპანია „ანგარის“ სამგზავრო თვითმფრინავი Ан-24, რომელშიც, წინასწარი ინფორმაციით, 49 ადამიანი იმყოფებოდა. თვითმფრინავი ხაბაროვსკი-ბლაგოვეშჩენსკი-ტინდას რეისს ასრულებდა.
რუსეთის სახელმწიფო სააგენტო „ტასი“ საგანგებო სიტუაციების სამინისტროზე დაყრდნობით წერს, რომ თვითმფრინავთან კავშირი დაიკარგა ქალაქ ტინდას აეროპორტიდან რამდენიმე კილომეტრში. ამ რაიონში სამძებრო-სამაშველო ჯგუფები გაგზავნეს.
ადგილობრივი დროით დილის ათი საათისთვის გავრცელებული ინფორმაციით, სამაშველო ვერტმფრენის ეკიპაჟმა თვითმფრინავის ცეცხლმოკიდებულ კორპუსს მიაკვლია.
ამურის ოლქის გუბერნატორ ვასილი ორლოვის ტელეგრამ-არხზე გამოქვეყნებული წინასწარი მონაცემებით, თვითმფრინავში იმყოფებოდა 43 მგზავრი, მათ შორის 5 ბავშვი და ეკიპაჟის 6 წევრი.
სიახლეები
- “საიდან აქვს ხაბეიშვილს 200 ათასი დოლარი – ეს უცხოური შავი ფულია” - გურამ მაჭარაშვილი
- უცხოური ვალუტის ოფიციალური კურსი 26 ივლისისთვის
- “საქართველო ვერ შეუერთდება ევროკავშირს, სანამ მისი მთავრობა ავტორიტარულ კურსს არ შეცვლის” - ევროპარლამენტი
- წვიმა, ელჭექი, სეტყვა – როგორი ამინდია მოსალოდნელი საქართველოში
- რამდენიმე ქვეყანაში ხანძარს ებრძვიან – არის მსხვერპლი
