აშშ-ში ფრენის დროს თვითმფრინავს ფრთის ნაწილი ჩამოვარდა
„ნიუსვიკის“ ცნობით, აშშ-ში, „დელტა ავიახაზების“ Boeing 737-ის ფრთის ნაწილი ფრენის დროს მოწყდა.
„რეისი 1893, Boeing 737, ფლორიდის შტატის ქალაქ ორლანდოს საერთაშორისო აეროპორტიდან ტეხასის შტატის ქალაქ ოსტინ-ბერგსტრომის საერთაშორისო აეროპორტში მიფრინავდა, როდესაც მგზავრებმა შენიშნეს, რომ ფრთის ნაწილი მოწყდა“, – ნათქვამია გამოცემის ინფორმაციაში.
თვითმფრინავში 62 ადამიანი და ეკიპაჟის ექვსი წევრი იმყოფებოდა. დაშავებულების შესახებ ინფორმაცია არ გავრცელებულა.
ავიაკომპანიამ განაცხადა, რომ თვითმფრინავის ოსტინში რუტინული დაშვების შემდეგ აღმოჩნდა, რომ მარცხენა ფრთის ფარის ნაწილი არ იყო დამონტაჟებული. თვითმფრინავი ტექნიკური მომსახურების მიზნით ექსპლუატაციიდან ამოიღეს.
სიახლეები
- პროკურატურის ცნობით, დააკავეს ლილუაშვილთან დაკავშირებული პირი, რომლის ბინიდანაც $1,319,300 ამოიღეს
- ბოდბელი ეპისკოპოსი ამერიკის შეერთებულ შტატებში იმყოფება
- “მზია ამაღლობელს ევრო პარლამენტმა ა.სახაროვის პრემია მიანიჭა! საინტერესოა პრიზი საბჭოთა წყალბადის ბომბის ქანდაკებაა?” - გიორგი ხაინდრავა
- სერბეთის პრეზიდენტმა პარლამენტთან სროლა ტერაქტად შეაფასა
- უცხოური ვალუტის ოფიციალური კურსი 23 ოქტომბრისთვის
