აშშ-ში ქარიშხალს ორი ადამიანი ემსხვერპლა
აშშ-ის აღმოსავლეთ სანაპიროსთან ქარიშხალი „ერინი“ მძვინვარებს, რომელსაც სულ მცირე ორი ადამიანი ემსხვერპლა, ხოლო კიდევ ერთი დაკარგულად ითვლება. ამის შესახებ ინფორმაციას Associated Press-ი ავრცელებს.
„ქარიშხალმა „ერინმა“ ხმელეთამდე ვერ მიაღწია, თუმცა აშშ-ის აღმოსავლეთ სანაპიროზე მკაცრი ოკეანის პირობები დატოვა. ძლიერ დინებაში ცურვის შედეგად სულ მცირე ორი ადამიანი დაიღუპა, ხოლო კიდევ ერთი მამაკაცის ძებნა გრძელდება, რომელიც ნავის გადაბრუნების შედეგად დაიკარგა“, – ნათქვამია სააგენტოს განცხადებაში.
აღნიშნულია, რომ 17 წლის ახალგაზრდა მამაკაცი, რომელიც ოჯახთან ერთად ჰემპტონ ბიჩში ცურავდა და 59 წლის მამაკაცი, რომელიც ნიუ-იორკში სამხრეთ კაროლინიდან ჩავიდა, დაიღუპნენ. მათ დინებასთან გამკლავება ვერ შეძლეს. დაკარგულ მამაკაცთან ერთად ნავში კიდევ ერთი ადამიანი იმყოფებოდა, რომელიც მსუბუქი დაზიანებებით საავადმყოფოში გადაიყვანეს.
სიახლეები
- პოლიციამ პროსტიტუციის ხელშეწყობის ბრალდებით 12 პირი დააკავა და 13 ობიექტი დახურა
- ტრამპი კვლავ სანქციებით დაიმუქრა, თუ უკრაინაში მშვიდობა არ დამყარდება
- ინდოეთში მეწყერს, სულ ცოტა, 30 ადამიანი ემსხვერპლა
- ქობულეთში, ზღვაში ახალგაზრდა მამაკაცის ცხედარი იპოვეს
- დაღესტანში, საქართველოს საზღვრიდან 131 კილომეტრში მიწისძვრა მოხდა
