ურსულა ფონ დერ ლაიენის თვითმფრინავს ბულგარეთში დაშვებისას GPS გაუფუჭდა — ბრიუსელი რუსეთის ჩარევას არ გამორიცხავენ
ბულგარეთში დაშვების მცდელობისას, ევროკომისიის პრეზიდენტის, ურსულა ფონ დერ ლაიენის თვითმფრინავს GPS ნავიგაცია გაუფუჭდა, – ამის შესახებ, CNN-ს კომისიის წარმომადგენელმა განუცხადა.
„კომისიამ ბულგარეთის ხელისუფლებისგან მიიღო ინფორმაცია, რომ ისინი ეჭვობენ, რომ ეს აშკარა ჩარევა რუსეთმა განახორციელა.
GPS-ის სიგნალის ჩახშობის მიუხედავად, თვითმფრინავი ბულგარეთში უსაფრთხოდ დაეშვა. ჩვენ, რა თქმა უნდა, ვაცნობიერებთ და შევეჩვიეთ მუქარასა და დაშინებას, რაც რუსეთის მტრული ქცევის რეგულარული კომპონენტია“, – განაცხადა ევროკომისიის პრესსპიკერის მოადგილემ, არიანა პოდესტამ.
CNN-ს ინფორმაციით, პილოტებმა სადესანტოდ ქაღალდის რუკები გამოიყენეს.
კრემლის პრესმდივანმა განაცხადა, რომ გავრცელებული ინფორმაცია სიმართლეს არ შეესაბამება.
როგორც მედია წერს, ინციდენტი მაშინ მოხდა, როდესაც პრეზიდენტი ბულგარეთის სამხრეთით, პლოვდივის საერთაშორისო აეროპორტში დაშვებას აპირებდა, რაც ბლოკის აღმოსავლეთ ნაწილში მდებარე წევრ ქვეყნებში მისი ტურნეს ნაწილი იყო, რათა უკრაინის მხარდაჭერა მოეპოვებინა.
სიახლეები
- ქუთაისის მუნიციპალიტეტის მერია, ანაზღაურებადი სტაჟირების სახელმწიფო პროგრამის ფარგლებში, სხვადასხვა პოზიციაზე კონკურსს აცხადებს
- უცხოური ვალუტის ოფიციალური კურსი 2 სექტემბრისთვის
- პარლამენტი 2 და 3 სექტემბერს ორ პლენარულ სხდომას გამართავს და ამის შემდეგ თვითმმართველობის არჩევნებამდე პლენარული სხდომების მხრივ ერთთვიან პაუზას აიღებს
- “მიმდინარე წლის 6 თვის განმავლობაში მოხდა 2 860 საგზაო შემთხვევა, დაშავდა 3 860 და დაიღუპა 216 პირი - ლეტალობა 20%-ითაა გაზრდილი, რაც საგანგაშოა” - ეკა ლალიაშვილი
- “ევროკომისიის მოთხოვნების უკან შორსმიმავალი გეგმა დევს, ეს არის პროქსი ომში საქართველოს ჩართვა” - გია ვოლსკი
