ტრამპი საჯაროდ აცხადებს, რომ მისი მიზანია „ამერიკის ისტორიაში ყველაზე მასშტაბური დეპორტაცია“. ეს მოიცავს არა მხოლოდ ახლად შემოსულ არალეგალურ მიგრანტებს, არამედ იმ პირებსაც, რომლებიც ქვეყანაში წლებია ცხოვრობენ, თუმცა სტატუსი არ აქვთ.

ტრამპის ადმინისტრაციამ გაამკაცრა საზღვრის კონტროლი და დეპორტაციის პროცესი, რაც, მათივე განმარტებით, არალეგალური მიგრაციის შემცირებასა და ქვეყნის უსაფრთხოების გამყარებას ისახავს მიზნად.

2025 წელს ტრამპმა ხელი მოაწერა აღმასრულებელ ბრძანებას „ამერიკელი ხალხის დაცვა შემოჭრისგან“, რომელიც ადვილს ხდის არალეგალური ემიგრანტების სწრაფ დაკავებას და დეპორტაციას სასამართლო განხილვის გარეშე.

ასევე, აშშ-ში თავშესაფრის მაძიებელთა წლიური მიღების ლიმიტი მკვეთრად შემცირდა — თუ ადრე ქვეყანაში 125 000 ადამიანს შეეძლო თავშესაფრის მიღება, ახლა ეს რიცხვი 7 500-მდეა დაყვანილი.

როგორც მედია აღნიშნავს, იმიგრანტების მიმართ გაძლიერებული კონტროლი იწვევს პოლიტიკურ დაპირისპირებას და პროტესტს, განსაკუთრებით ადგილობრივ დონეზე, სადაც გართულდა სამართლებრივი და საზოგადოებრივი ვითარება.