"ჩინეთი ყველაფერს გააკეთებს იმისთვის, რომ ნოემბრის არჩევნები წავაგო"
აშშ-ის პრეზიდენტის, დონალდ ტრამპის, განცხადებით, ჩინეთის მოქმედება კორონავირუსთან დაკავშირებით ამტკიცებს, რომ პეკინი მის არჩევნებში დასამარცხებლად ყველაფერს გააკეთებს.
"ჩინეთი გააკეთებს ყველაფერს, რაც შეუძლია იმისთვის, რომ არჩევნები წავაგო,“ - აღნიშნა დონალდ ტრამპმა "როიტერსთან“ ინტერვიუში.
პრეზიდენტ ტრამპის მტკიცებით, ჩინეთს მისი "დემოკრატი“ ოპონენტის ჯო ბაიდენის გამარჯვება სურს იმის გამო, რომ შეამსუბუქოს ის ზეწოლა, რასაც პეკინი სავაჭრო თუ სხვა საკითხებში აშშ-სგან განიცდიან.
აშშ-ის პრეზიდენტმა ჩინეთი კორონავირუსის შესახებ ინფორმაციის გავრცელებაში კიდევ ერთხელ დაადანაშაულა და აღნიშნა, რომ ის განიხილავს სხვადასხვა ვარიანტს, თუ როგორ შეიძლება პეკინმა ამის გამო პასუხი აგოს.
"ბევრი რამის გაკეთება შემიძლია. დაველოდოთ, რა მოხდება,“ - აღნიშნა ტრამპმა.
შეგახსენებთ, ბოლო მონაცემებით, აშშ-ში კორონავირუსის მილიონზე მეტი შემთხვევაა დადასტურებული, დაღუპულთა რაოდენობამ კი 60 000-ს გადააჭარბა. კორონავირუსის გამო ქვეყნის ეკონომიკა რეცესიას განიცდის. ბოლო კვირის განმავლობაში უმუშევრობის სოციალური დახმარების სამსახურებს 26 მილიონზე მეტმა ამერიკელმა მიმართა.
სიახლეები
- “ის, ვინც ახლა მოუწოდებს გაჩერებისკენ, აკეთებს ივანიშვილის საქმეს, ეჭვი მაქვს, რომ არა უანგაროდ - ახლა გაჩერება, როცა გამარჯვება ასე ახლოა, დაუშვებელია” - მიხეილ სააკაშვილი
- “სალომე ზურაბიშვილის მიერ პრაღაში გაჟღერებულმა საძაგელმა ტყუილმა ამხილა სახელმწიფო გადატრიალების უკან მდგომი უცხოელები გეგმა; არის სიჩუმე, რატომ არ გმობენ პრეზიდენტის სასახლის ძალადობრივ შტურმს?” – პაპუაშვილი
- “დღეს ჩვენი პრობლემაა, რომ ვერ ვხვდებით, როგორ ვშორდებით ღმერთს; ურთიერთსიძულვილით, გაბოროტებით, ღვარძლით, ვერცერთ ეროვნულ ამოცანას ვერ გადავწყვეტთ” – მეუფე შიო
- “იქ ვინც იყო, ყველა იყო ძალადობის თანამონაწილე, გინდა დროშას აფრიალებდე, გინდა – ისე იდგე, როდესაც ძალადობას ამაგრებ ფიზიკურად, შენ ხარ ძალადობის თანამონაწილე” - პრემიერი 4 ოქტომბრის მოვლენებზე
- “უცხოეთიდან წაქეზებული ჯგუფები ევროკავშირის დროშით აპირებდნენ ჩვენი ქვეყნის ატრიალებას” - შალვა პაპუაშვილი
