აშშ-ში უცნობი "საბავშვო" სინდრომი მოზრდილებში დაფიქსირდა
აშშ-ში 20-25 წლამდე ასაკის რამდენიმე ახალგაზრდა ადამიანი საავადმყოფოშია მოთავსებული.
მათ ანთებითი სინდრომი აქვს, რომელიც ბავშვებში გავრცელებულ კავასაკის სინდრომს ჰგავს. ამის შესახებ გამოცემა Washington Post წერს.
პედიატრი ჯენიფერ ლაიტერი აცხადებს, რომ ბავშვებში დაავადება კავასაკის სინდრომს ჰგავს, რომელიც სისხლძარღვების ანთებით ხასიათდება. მოზარდებში და 20-25 წლის პაციენტებში კი რამდენიმე ორგანო ზიანდება, მათ შორის გულიც.
"დაავადება უფრო მძიმეა მათ შორის, ვინც ასაკით უფროსია", - განაცხადა ლაიტერმა.
ექიმი ჯეინ ბერნსი კი აცხადებს, რომ ზრდასრულ ადამიანებში ამ დაავადების დიაგნოსტიკა იშვიათად ხდება,
"ბევრ ექიმს, რომელიც ზრდასრულ პაციენტებთან მუშაობს, კავასაკი არ უნახავს, რადგან ეს ხომ ბავშვების დაავადებაა", - ამბობს ის.
ახალი კორონავირუსის ინფექციასთან დაკავშირებულ სინდრომს, რომლითაც ბავშვები ავადდებიან სახელი უკვე ოფიციალურად დაერქვა და მას მულტისსისტემური ანთებითი სინდრომი, სხვაგვარად MIS-C ეწოდება.
სიახლეები
- “არ მინდა, ბრძოლის გარეშე კალაძეს თბილისი გადავაბარო - მინდა, დავარწმუნო პარტნიორები, რომ გამარჯვების ფორმულა არის ბრძოლაში” -მამუკა ხაზარაძე
- თურქეთში ყურბან-ბაირამის პირველ დღეს 14 000-ზე მეტი ადამიანი დაშავდა
- “ჩვენ არ ვართ ბავშვები პუტინთან ერთად სკვერში, სათამაშო მოედანზე, ის მკვლელია, რომელიც ამ სკვერში ბავშვების მოსაკლავად მოვიდა” - ვვოლოდიმირ ზელენსკი ტრამპის განცხადებაზე
- განათლების სამინისტრო - გავრცელებული ინფორმაცია, რომ ინკლუზიური განათლების სამმართველო გაუქმდა, არ შეესაბამება სიმართლეს - გაერთიანდა სტრატეგიული დაგეგმვისა და ინკლუზიური განვითარების სამმართველო
- “ოპოზიციის “გარე უფროსები” ფსონს უკვე არა “ნაციონალურ მოძრაობაზე”, არამედ “ლელოსა” და გიორგი გახარიას გუნდზე – “საქართველოსთვის” დებენ” - ლევან მაჭავარიანი
