მინეაპოლისში ეროვნული გვარდია შეიყვანეს
მინეაპოლისში მასობრივი არეულობების ადგილებში აშშ-ის ეროვნული გვარდიის 500-მდე წევრი გააგზავნეს.
ამის შესახებ შტატის გვარდია "ტვიტერზე" წერს.
"ჩვენი ამოცანა სიცოცხლის დაცვა, ქონების შენარჩუნება და მშვიდობიანი დემონსტრაციის უფლების დაცვაა", - ნათქვამია განცხადებაში.
აშშ-ის ქალაქ მინეაპოლისში მასობრივი არეულობები გრძელდება. საპროტესტო აქციის მონაწილეებმა პოლიციის განყოფილების შენობას ცეცხლი წაუკიდეს.
Fox News-ის ინფორმაციით, სამართალდამცავების ევაკუაცია ვერტმფრენით განხორციელდა. დაშავებულები არ არიან.
გვიან ღამით დემონსტრანტები პოლიციასთან შეიკრიბნენ. მათი დაშლა ხმოვანი ყუმბარებით და ცრემლსადენი აირით სცადეს.
ამის შემდეგ აქციის მონაწილეები შენობაში შეიჭრნენ და დაწვეს ის.
აშშ-ის ქალაქ მინეაპოლისში მასობრივი არეულობები უკვე რამდენიმე დღეა გრძელდება.
მოსახლეობის უკმაყოფილება ფაქტმა გამოწვია, რომელიც ცოტა ხნის წინ მოხდა. გასულ კვირას პოლიციამ 46 წლის ადგილობრივი ჯორჯ ფლოიდი მოკლა. ის მანქანაში იჯდა, როდესაც სამართალდამცავებმა ის საეჭვოდ ჩათვალეს. მამაკაცი ავტომობილიდან გადმოიყვანეს და ბორკილები დაადეს. ის ასფალტზე დააწვინეს. მოსახლეობა ამბობს, რომ პოლიციამ გადამეტებული ძალა გამოიყენა.
"სუნთქვა არ შემიძლია", - ამბობდა დაკავებული.
შემდეგ მან გონება დაკარგა და მოგვიანებით საავადმყოფოში გარდაიცვალა.
აშშ-ის იუსტიციის სამინისტრომ მინეაპოლისში აფროამერიკელი ჯორჯ ფლოიდის გარდაცვალების საქმეს განსაკუთრებული მნიშვნელობის სტატუსი მიანიჭა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე