ტრამპის თქმით, საპროტესტო აქციებს ჯარი გააკონტროლებს
აშშ-ის პრეზიდენტი, დონალდ ტრამპი სამოქალაქო არეულობის შესაჩერებლად სამხედრო ძალების გამოყენებაზე საუბრობს.
მისი თქმით, თუ ქალაქები და შტატები ვერ აკონტროლებენ საპროტესტო აქციებს და ვერ იცავენ მოქალაქეებს, ის ჯარის გამოყენების გადაწყვეტილებას მიიღებს.
ჯორჯ ფლოიდის გარდაცვალებასთან დაკავშირებული საპროტესტო გამოსვლები ბოლო ერთი კვირის განმავლობაში მიმდინარეობს და პერიოდულად სიტუაცია უმართავი ხდება. მისურის შტატში ოთხ პოლიციელს ესროლეს ცეცხლსასროლი იარაღიდან, ხოლო ჩიკაგოში, მიმდინარე არეულობის დროს, ორი ადამიანი მოკლეს.
პრეზიდენტის განცხადებით, ჯორჯ ფლოიდის მკვლელობის გამო ამერიკელი ხალხი სამართლიანადაა აღშფოთებული, თუმცა გარდაცვლილის ხსოვნა ვანდალიზმის აქტებით, ძარცვით და სხვა დანაშაულებრივი ქმედებებით ილახება.
ტრამპის თქმით, პროტესტის ასეთი ფორმებით გამოხატვის ორგანიზებაში "პროფესიონალი ანარქისტების", ანტი-ფაშისტური ორგანიზაციაა (Antifa) დამნაშავე. პრეზიდენტის თქმით, იგეგმება Antifa-ს ტერორისტულ ორგანიზაციად გამოცხადება.
"მე მინდა ამ ტერორის ორგანიზატორები გავაფრთხილო, რომ თქვენ მკაცრად აგებთ პასუხს კანონის წინაშე", - განაცხადა მან.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი