"სომხეთში COVID-19-ით 100 000-ზე მეტი ადამიანია ინფიცირებული" - ფაშინიანი
სომხეთის პრემიერ-მინისტრმა, ნიკოლა ფაშინიანმა, განაცხადა, რომ ქვეყანაში ახალი კორონავირუსით ინფიცირებულთა რაოდენობა შესაძლოა 100 000-ს აჭარბებდეს.
მთავრობის მეთაურმა სოციალურ ქსელში გამოაქვეყნა ცხრილი, რომელშიც მოცემულია კორონავირუსის დადასტურებული შემთხვევები და მომავალი პერიოდის პროგნოზი.
”ამ მონაცემთა ანალიზმა აჩვენა, რომ ამჟამად სომხეთში 100 ათასზე მეტი მატარებელია (კორონავირუსის)”, - წერს ფაშინიანი სოციალურ ქსელში.
შეგახსენებთ, ფაშინიანის განცხადებით, სომხეთში, ჰოსპიტალიზაციის მოლოდინში კორონავირუსით ინფიცირებული 200-მდე პაციენტია.
ოფიციალური მონაცემებით, სომხეთში ახალი კორონავირუსი ბოლო 24 საათში 766 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 13 130-ს მიაღწია. კორონავირუსის გავრცელებიდან დღემდე 200 ადამიანი გარდაიცვალა, მათ შორის, 10 გასული დღე-ღამის განმავლობაში. 4 014 პაციენტი გამოჯანმრთელდა.
სიახლეები
- “არ მინდა, ბრძოლის გარეშე კალაძეს თბილისი გადავაბარო - მინდა, დავარწმუნო პარტნიორები, რომ გამარჯვების ფორმულა არის ბრძოლაში” -მამუკა ხაზარაძე
- თურქეთში ყურბან-ბაირამის პირველ დღეს 14 000-ზე მეტი ადამიანი დაშავდა
- “ჩვენ არ ვართ ბავშვები პუტინთან ერთად სკვერში, სათამაშო მოედანზე, ის მკვლელია, რომელიც ამ სკვერში ბავშვების მოსაკლავად მოვიდა” - ვვოლოდიმირ ზელენსკი ტრამპის განცხადებაზე
- განათლების სამინისტრო - გავრცელებული ინფორმაცია, რომ ინკლუზიური განათლების სამმართველო გაუქმდა, არ შეესაბამება სიმართლეს - გაერთიანდა სტრატეგიული დაგეგმვისა და ინკლუზიური განვითარების სამმართველო
- “ოპოზიციის “გარე უფროსები” ფსონს უკვე არა “ნაციონალურ მოძრაობაზე”, არამედ “ლელოსა” და გიორგი გახარიას გუნდზე – “საქართველოსთვის” დებენ” - ლევან მაჭავარიანი
