ესპანეთის მთავრობამ "ახალი რეალობის" შესახებ დეკრეტი მიიღო
ესპანეთის მინისტრთა საბჭომ დაამტკიცა დეკრეტი, რომელიც საგანგებო სიტუაციის რეჟიმის დასრულების შემდეგ ქვეყნის მოქალაქეების ცხოვრებას დაარეგულირებს.
ინფორმაციას ამის შესახებ ესპანეთის სახელმწიფო ტელევიზია (TVE) ავრცელებს.
დეკრეტი განსაზღვრავს ნორმებს, რომლებიც ახალი კორონავირუსის საწინააღმდეგო ვაქცინის, ან წამლის შემოტანამდე იმოქმედებს.
ძირითადი მოთხოვნა 6 წლის ასაკს გადაცილებული ადამიანებისთვის დახურულ სივრცეებსა და საზოგადოებრივ ტრანსპორტში პირბადის ტარებაა. გამონაკლისია მხოლოდ ინვალიდობის მქონე პირები, რომლებსაც პირბადე სუნთქვას გაურთულებს. ნორმის დარღვევა 100 ევროთი დაჯარიმდება.
აუცილებელი იქნება სოციალური დისტანციის დაცვა. სასწავლო, სამედიცინო დაწესებულებების, ოფისებისა და საწარმოების ხელმძღვანელები კი ვალდებულები იქნებიან, თანამშრომელთა შორის დისტანცია დაიცვან.
დეკრეტი ესპანეთის ავტონომიურ რეგიონებს შორის ადამიანების მიმოსვლის შეზღუდვას არ ითვალისწინებს.
მთავრობის მიერ მიღებული დოკუმენტი ძალაში 21 ივნისს შევა, როდესაც საგანგებო სიტუაციის რეჟიმი გაუქმდება.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე