უკრაინის ოკუპირებული ტერიტორიების რუსეთის შემადგენლობაში შესვლასთან დაკავშირებული ე.წ. შეთანხმებების ხელმოწერა კრემლში ხვალ, 30 სექტემბერს გაიმართება. ცერემონიაში მონაწილეობას მიიღეს ვლადიმერ პუტინი. ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.
აფხაზეთი არის სამოთხე დედამიწაზე, ხალხი კი წმინდანები, ჩვენ გვინდა თქვენთან ავაგოთ არა მხოლოდ მეგობრობის ხიდი, არამედ დავამყაროთ ძალიან სერიოზული ურთიერთობები, - ამის შესახებ ბელარუსის პრეზიდენტმა, ალექსანდრე ლუკაშენკომ ოკუპირებული აფხაზეთის ე.წ. ლიდერ ასლან ბჟანიასთან ბიჭვინთაში გამართულ შეხვედრაზე განაცხადა.
უკრაინის ოკუპირებულ ტერიტორიებზე გამართულ უკანონო რეფერენდუმთან დაკავშირებით, გაერო-ს უშიშროების საბჭოს საგანგებო შეხვედრა გაიმართა, რომელსაც ვიდეოკონფერენციის ფორმატში, სიტყვით მიმართა უკრაინის პრეზიდენტმა, ვოლოდიმირ ზელენსკიმ.
"ტელეგრამ არხით" ვრცელდება ფოტოსურათი, რომელზეც ჩანს, რომ რუსეთის პრეზიდენტის მშობლების საფლავზე დატოვებულია წერილი, რომელშიც მშობლებს სთხოვენ, მიიღონ შესაბამისი ზომები.
ევროპის სასაზღვრო და სანაპირო დაცვის სააგენტო „ფრონტექსის“ ინფორმაციით, გასულ კვირას, 19 სექტემბრიდან 25 სექტემბრამდე პერიოდში ევროკავშირის ტერიტორიაზე რუსეთის 66 000 მოქალაქე შევიდა, რაც გასულ კვირებთან შედარებით 30 პროცენტით მეტია.
რუსეთის პრეზიდენტი, ვლადიმერ პუტინი პარასკევს, 30 სექტემბერს, რუსეთის პარლამენტის ორივე პალატაში სიტყვით გამოსვლას გეგმავს და შესაძლოა, ეს მიმართვა რუსეთის მიერ ოკუპირებული უკრაინის ტერიტორიების რუსეთთან შეერთების ოფიციალურად გამოსაცხადებლად გამოიყენოს, - ამის შესახებ გაერთიანებული სამეფოს თავდაცვის სამინისტროს ანგარიშშია აღნიშნული.
