თეირანში, ერთ-ერთ მაღალსართულიან საცხოვრებელ შენობაზე ისრაელის მიერ განხორციელებული დარტყმის შედეგად 60 ადამიანი დაიღუპა, მათ შორის 20 ბავშვია. ამის შესახებ ინფორმაციას CNN ავრცელებს.
ისრაელის საგანგებო სიტუაციების სააგენტოს ცნობით, ირანის მიერ ისრაელის მისამართით გაშვებული სარაკეტო თავდასხმების შედეგად, სულ მცირე, 17 დაშავებულს გაუწიეს სამედიცინო დახმარება და მათი ნაწილი ჰოსპიტალიზებულია.
ისრაელის მიერ ირანზე განხორციელებული თავდასხმის შემდეგ, მსოფლიოში ნავთობის ფასი 9%-ით გაიზარდა. ინფორმაციას Reuters-ი ავრცელებს.
აშშ-ის მთავრობა, როგორც რეჟიმის მთავარი მხარდამჭერი, ასევე პასუხისმგებელია ამ უგუნური ესკალაციის საშიშ შედეგებზე – ამის შესახებ ირანის საგარეო უწყების განცხადებაშია აღნიშნული, სადაც ისრაელის მისამართით საპასუხო ზომებზეც საუბრობენ.
ამერიკის პრეზიდენტი დონალდ ტრამპი აცხადებს, რომ წინასწარ იცოდა ისრაელის გეგმების შესახებ, თუმცა მისივე თქმით, აშშ-ის სამხედროებს ოპერაციაში მონაწილეობა არ მიუღიათ.
ისრაელის საჰაერო დარტყმების შედეგად ირანის შეიარაღებული ძალების მეთაური, მოჰამედ ბაყერი გარდაიცვალა. ამის შესახებ ინფორმაციას, BBC ავრცელებს.
