დანია უკრაინას F-16 ტიპის მოიერიშე 19 თვითმფრინავს გადასცემს. ამის შესახებ დანიის პრემიერ-მინისტრმა მეტე ფრედერიქსენმა უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.
ბირთვული იარაღის ფლობა ზოგიერთი მნიშვნელოვანი გარე საფრთხის კონტექსტში დღეს ერთადერთი შესაძლო პასუხია რუსეთის უსაფრთხოებისთვის, – ამის შესახებ რუსეთის საგარეო საქმეთა მინისტრმა, სერგეი ლავროვმა ჟურნალ International Affairs-თან ინტერვიუში განაცხადა.
რუსეთი თურქეთსა და კატართან ერთად ამზადებს ახალ შეთანხმებას მარცვლეულის შესახებ უკვე არსებული შეთანხმების ჩასანაცვლებლად, რომელმაც ერთი თვის წინ რუსეთის გასვლის გამო შეწყვიტა მოქმედება. ამის შესახებ გერმანული გამოცემა Bild-ი წერს.
უკრაინის საჰაერო ძალების ინფორმაციით, 19 აგვისტოს ღამეს, უკრაინელმა სამხედროებმა რუსეთის ტერიტორიიდან გაშვებული 17 უპილოტო „კამიკაძედან“ 15-ის განადგურება მოახერხეს.
აშშ-ს პრეზიდენტი, ჯო ბაიდენი რუსეთის პრეზიდენტ, ვლადიმერ პუტინის არგუმენტაცია უკრაინაში შეჭრის შესახებ „სასაცილოს“ უწოდებს და აცხადებს, რომ რუსეთმა უკრაინაში ომი უკვე წააგო, რადგან თავის პირვანდელ მიზანს ვერ მიაღწია.
