უპილოტო საფრენი აპარატებით მორიგი შეტევა იყო რუსეთის სხვადასხვა რეგიონზე. კურსკის ოლქის გუბერნატორ ალექსეი სმირონვის მიერ ტელეგრამ-არხზე დღეს, 10 ივნისს დილით გამოქვეყნებული ინფორმაციით, გასული ღამის განმავლობაში „ლიკვიდირებული და გაუვნებელყოფილია“ 8 უკრაინული დრონი. სმირნოვის თანახმად, ქალაქ სუჯაში და დაბა კორენოვოში დაზიანებულია ორი ადმინისტრაციული შენობა, არავინ დაშავებულა.
ბელგიის პრემიერ-მინისტრმა ალექსანდერ დე კროომ პასუხისმგებლობა აიღო ქვეყნის პარლამენტის არჩევნებსა და ევროპარლამენტის არჩევნებში თავისი ლიბერალ-დემოკრატიული პარტიის მარცხზე და თანამდებობიდან გადადგომა გადაწყვიტა. ამასთან, დე კროომ განაცხადა, რომ ლიბერალები ძლიერი არიან და დაბრუნებიან.
საფრანგეთის პრეზიდენტმა ემანუელ მაკრონმა ქვეყნის პარლამენტი, ეროვნული ასამბლეა დაითხოვა. ასე გამოეხმაურა იგი ევროპარლამენტის არჩევნების წინასწარ შედეგებს, რომელშიც დიდ გამარჯვებას „ნაციონალურ გაერთიანებაში“ შემავალმა მემარჯვენე პოპულისტებმა.
რუსეთის ფედერაციის ასტრახანის ოლქში, ახტუბინსკის აეროდრომის ტერიტორიაზე, რომელიც ფრონტის ხაზიდან 589 კილომეტრში მდებარეობს, რუსეთის მრავალფუნქციური მოიერიშე თვითმფრინავი „სუ-57“ განადგურდა, - ამის შესახებ უკრაინის თავდაცვის სამინისტროს მთავარი სადაზვერვო სამმართველო აეროდრომზე მდგომი თვითმფრინავის სატელიტურ სურათებზე დაყრდნობით იუწყება.
ჩვენ საქართველოს არანაირად არ ვკარნახობთ რა კანონები უნდა მიიღოს - საქართველოს საკუთარი გადაწყვეტილებების მიღებს შეუძლია თუ როგორ სურს გაგრძელება, ჩვენ კი ჩვენი გადაწყვეტილებების მიღება შეგვიძლია თუ როგორ გვსურს გაგრძელება. ამის შესახებ აშშ-ის სახელმწიფო დეპარტამენტის სპიკერმა, მეთიუ მილერმა ბრიფინგზე განაცხადა.
საპარლამენტო და არასაპარლამენტო ოპოზიციური პარტიები და პოლიტიკოსები სენატორ ჯო ვილსონს ღია წერს უგზავნიან. ჰელსინკის კომისიის“ თავმჯდომარე, რესპუბლიკელი ჯო ვილსონი აშშ-ის კონგრესში MEGOBARI აქტის ინიციატორია.
