“როგორც ჩანს, უკრაინაში ომი კიდევ დიდხანს გაგრძელდება” - ტრამპი
აშშ-ის პრეზიდენტმა დონალდ ტრამპმა განაცხადა, რომ ვაშინგტონი დიდ პატივს სცემს უკრაინის ბრძოლას, თუმცა მიიჩნევს, რომ ომი დიდხანს გაგრძელდება.
ამერიკელმა ლიდერმა აღნიშნული განცხადება ნიუ-იორკში, უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე გააკეთა.
მანვე დასძინა, რომ რუსეთისთვის უკრაინის წინააღმდეგ ომი სწრაფი უნდა ყოფილიყო, მაგრამ ახლა მოსკოვის მიღწევები განსაკუთრებულად არ გამოიყურება.
როდესაც ტრამპს ჰკითხეს, კვლავ ენდობოდა თუ არა პუტინს, მან უპასუხა, რომ ერთ თვეში შეგვატყობინებდა.
მან ასევე ისაუბრა რუსეთის ეკონომიკის მდგომარეობაზე:
„რუსეთის ეკონომიკა ამჟამად საშინელ მდგომარეობაშია. ის კოლაფსს განიცდის. უკრაინა ძალიან კარგ საქმეს აკეთებს ამ უზარმაზარი არმიის შესაჩერებლად“, – განაცხადა ტრამპმა.
ამავდროულად, თეთრი სახლის ლიდერმა დასძინა, რომ ის უნგრეთის პრემიერ-მინისტრ ვიქტორ ორბანთან ბუდაპეშტის მიერ რუსული რესურსების შესყიდვებთან დაკავშირებით ისაუბრებს.
სიახლეები
- “პაატა ბურჭულაძე სააკაშვილის და ხაზარაძის სიტუაციური „კუკლაა“ ისეთი ერთობების ასარევად, სადაც ბელადი და ფულის ტომარა ძალაუფლების წყარო/ყურადღების ცენტრში არ არიან” – ჩერგოლეიშვილი
- მიგრაციის დეპარტამენტის თანამშრომლებმა უცხო ქვეყნის 20 მოქალაქე საქართველოდან გააძევეს
- “ქვეყანა, რომელიც არ უფრთხილდება საკუთარ ფესვებს, ვერასდროს შექმნის ღირსეულ მომავალს” - ირაკლი კობახიძე
- “ჩვენი ვალია, ვასწავლოთ და მაგალითი მივცეთ ახალგაზრდებს, იფიქრონ, იმსჯელონ, გაიაზრონ და დააფასონ ისეთი ფუნდამენტური თემა, როგორიც მშვიდობაა” – პაპუაშვილი
- “ყაველაშვილის ცირკში მონაწილე პარტიები გამოსვლას ჯონჯოლივით რომ ამატებთ, თითქოს პოლიტპატიმრების გათავისუფლებისთვისაც იბრძვით, იქნებ მიამატოთ - „ჯაფარას გარდა“, თორემ მგონია, სიტყვის მასალად მიყენებთ” - ზურაბ ჯაფარიძე
