გასათვალისწინებელი რჩევები - ის, რაც ყველა ორსულმა უნდა იცოდეს

გასათვალისწინებელი რჩევები ორსულებს - ხონელიძის კლინიკა სოციალურ ქსელში ორსულებისთვის საჭირო რჩევებს ავრცელებს.

 

შეეცადეთ აკონტროლოთ წონა – თქვენ არ უნდა დაიკლოთ არასრულფასოვანი კვების ხარჯზე და არც ზედმეტად არ უნდა მოიმატოთ.

სხეულის მასის მომატება იწვევს ჰიპერტენზიას, გესტაციურ დიაბეტს და სხვა მნიშვნელოვან გართულებებს.თუ თქვენ გაწუხებთ ჭარბი წონა, აუცილებელია მიმართოთ ექიმს და არ ეცადოთ დაიკლოთ წონაში საკუთარი მეთოდებით.

 

იმოძრავეთ მეტი – ექიმი გინეკოლოგები თვლიან, რომ გონიერების ფარგლებში ფიზიკური აქტივობა არამცთუ დასაშვებია, არამედ სავალდებულოცაა ორსულობის დროს და დადებით გავლენას ახდენს, როგორც დედის ასევე ბავშვის გულსისხლძარღვთა სისტემაზე.

 

არ გადაიტვირთოთ – გადატვირთვამ შესაძლოა მთელი რიგი პრობლემები გამოიწვიოს: სისხლდენა, ნაყოფის მოშორება ან საშვილოსნოს შიდა განვითარების ასევე ორსულობის პერიოდში მომავალმა დედამ აუცილებლად თავი უნდა აარიდოს ფსიქოლოგიურ გამოფიტვას, შეეცადეთ კარგად დაისვენოთ, იყავით ნაკლებად მომთხოვნი საკუთარი თავის მიმართ.

 

შეინარჩუნეთ დადებითი განწყობა – თერაპევტების თქმით, წყნარი და ხალისიანი განწყობა ფიზიკური ჯანმრთელობის საწინდარია.

 

მოერიდეთ თამბაქოსა და ალკოჰოლის მოხმარებას -  თამბაქოს კვამლი და ნიკოტინი, იწვევს ფილტვის უკმარისობას, ასფიქსიას როგორც ნაყოფის, ასევე დედის სასუნთქ სისტემაში. რაც შეეხება ალკოჰოლს, იგი იწვევს ნაყოფის განვითარების შეფერხებას, ეთილის სპირტი უარყოფითად მოქმედებს ტვინის უჯრედებზე, იწვევს ანომალიებს და ფიზიკურ დეფექტებს.

 

მიიღეთ მეტი ბოსტნეული და ხილი ყაბზობის პროფილაქტიკისთვის – ყაბზობა, შეიძლება გამოიწვიოს ჰორმონალურმა დისბალანსმა და ცხოვრების წესის აქტივობის შემცირებამ. ექიმები მიიჩნევენ, რომ ამ დროს ძალიან მნიშვნელოვანია მიღებული ბოსტნეულის, ხილისა და წყლის კონტროლი. თუ თქვენ გაქვთ ყაბზობის მძიმე ფორმა, აუცილებლად მიმართეთ ექიმს.

 

ატარეთ მოხერხებული ტანსაცმელი – ორსულობის დროს იმატებს ოფლიანობა, შეეცადეთ აირჩიოთ ნატურალური ქსოვილისაგან დამზადებული ტანსაცმელი, შეარჩიეთ ბამბისაგან დამზადებული საცვლები, ეცადეთ თავს გრძნობდეთ კომფორტულად, ატარეთ დაბალქუსლიანი ფეხსაცმელი.

 

რეგულარულად გაიარეთ შემოწმება – ორსულობის დროს ერთერთი მნიშვნელოვანი ამოცანაა ექიმთან რეგულარული შემოწმებების გავლა. აუცილებლად ადევნეთ თვალყური ნაყოფის განვითარებას, თქვენ შეძლებთ გააკონტროლოთ მისი და თქვენი ჯანმრთელობა ყველა ეტაპზე.

 

დაიცავით ძილის და დასვენების რეჟიმი – უძილობა ნეგატიურ გავლენას ახდენს იმუნურ სისტემაზე, ფიზიკურ ჯანმრთელობასა და სახის კანის ფერზე.

 

თვალყური ადევნეთ ნაყოფის მოძრაობას – ნაყოფის მოძრაობა იგრძნობა ორსულობის მე–18 კვირიდან, მოძრაობა ნაყოფის ნორმალური განვითარების ნიშანია.

წაკითხვა 105 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.